қонунҳои ҶТ
Қонуни Ҷумҳурии Тоҷикистон
Оид ба ворид намудани иловаҳо ба Қонуни Ҷумҳурии Тоҷикистон
“Дар бораи Буҷети давлатии Ҷумҳурии Тоҷикистон барои соли 2012”
Моддаи 1. Ба Қонуни Ҷумҳурии Тоҷикистон аз 8 ноябри соли 2011 «Дар бораи Буҷети давлатии Ҷумҳурии Тоҷикистон барои соли 2012» (Ахбори Маҷлиси Олии Ҷумҳурии Тоҷикистон, с. 2011, № 11, мод. 773; с. 2012, № 3, мод. 229; № 4, мод. 279; № 5, мод. 352; № 6, мод. 464; мод. 465) иловаҳои зерин ворид карда шаванд:
Дар моддаи 18:
-ба қисми ҳафтум баъд аз калимаҳои «Ҳукумати Ҷумҳурии Тоҷикистон тасдиқ мекунад,» калимаҳои «инчунин воридоти 20 адад автобусҳои тамғаи «MAN», ки аз ҷониби Ҷамъияти дорои масъулияташ маҳдуди «Авиакомпания Осиё Экспресс» амалӣ мегардад,» илова карда шаванд;
-қисмҳои дувоздаҳум ва сенздаҳум бо мазмуни зайл илова карда шаванд:
«Қисми фаъолияти корхонаҳои дар минтақаи Хатлон ҷойгирбудаи Корхонаи воҳиди давлатии «Роҳи оҳани Тоҷикистон» (пойгоҳи вагонҳои боркашии шаҳри Сарбанд, қитъаи роҳи Қурғонтеппа, истгоҳҳои роҳи оҳани Қурғонтеппа, Кӯлоб, Қурбоншаҳид, Олимтой, Данғара, Сангтӯда, Ёвон, Ҷалолиддини Румӣ, Бӯрёбоф, Қубодиён, Шаҳритус, Ҳошадӣ, пойгоҳи гардиши локомотивии Қурғонтеппа, қитъаи алоқа ва мухобироти Хатлон, қитъаи барқрасонии Хатлон, қитъаи Корхонаи воҳиди «Мусофирбар»-и Хатлон), ки бевосита ба хизматрасонии минтақаи роҳи оҳан тааллуқ дорад, ба истиснои андозҳои то 1 июни соли 2012 пардохташуда, аз пардохти андози замин, андоз аз амволи ғайриманқул, андоз аз соҳибони воситаҳои нақлиёт, андоз аз истифодабарандагони роҳҳои автомобилгард ва андози ҳадди ақал аз даромадҳо озод карда мешавад.
Аз хориҷа ворид намудани чорвои зотӣ бо мақсади истеҳсол ва коркарди бештари маҳсулоти чорводорӣ дар дохили мамлакат, ки ҳуҷҷатҳои тасдиқкунанда дорад, аз андоз аз арзиши иловашуда ва боҷи гумрукӣ озод карда мешавад.».
Моддаи 2. Сархати якуми банди якум ва банди якуми сархати дуюми моддаи 1 Қонуни мазкур аз 1 январи соли 2012 ва банди дуюми сархати дуюми моддаи 1 Қонуни мазкур пас аз интишори расмӣ мавриди амал қарор дода шаванд.
Президенти Ҷумҳурии Тоҷикистон Эмомалӣ РАҲМОН
ш. Душанбе, 6 октябри соли 2012, № 902
Қарори Маҷлиси намояндагони
Маҷлиси Олии Ҷумҳурии Тоҷикистон
Дар бораи қабул кардани Қонуни Ҷумҳурии Тоҷикистон «Оид ба ворид намудани иловаҳо ба
Қонуни Ҷумҳурии Тоҷикистон “Дар бораи Буҷети давлатии Ҷумҳурии Тоҷикистон барои соли 2012”
Маҷлиси намояндагони Маҷлиси Олии Ҷумҳурии Тоҷикистон қарор мекунад:
Қонуни Ҷумҳурии Тоҷикистон «Оид ба ворид намудани иловаҳо ба Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2012» қабул карда шавад.
Раиси Маҷлиси намояндагони Маҷлиси Олии Ҷумҳурии Тоҷикистон Ш. ЗУҲУРОВ
ш. Душанбе, 1 октябри соли 2012, № 922
Баёни ақида (0) Санаи нашр: 13.10.12 №: 132 Мутолиа карданд: 3726
