қонунҳои ҶТ
Қонуни
Ҷумҳурии
Тоҷикистон
Оид ба ворид намудани иловаҳо ба Қонуни Ҷумҳурии Тоҷикистон “Дар бораи Буҷети давлатии Ҷумҳурии
Тоҷикистон барои соли 2012”
Моддаи 1. Ба Қонуни Ҷумҳурии Тоҷикистон аз 8 ноябри соли 2011 «Дар бораи Буҷети давлатии Ҷумҳурии Тоҷикистон барои соли 2012» (Ахбори Маҷлиси Олии Ҷумҳурии Тоҷикистон, с. 2011, № 11, мод.773; с. 2012, № 3, мод. 229; № 4, мод. 279; № 5, мод. 352; № 6, мод. 464; мод. 465) иловаҳои зерин ворид карда шаванд:
Дар моддаи 18:
-ба қисми дуюм пас аз калимаҳои «андоз аз арзиши иловашуда» калимаҳои «аксизҳо ва боҷи гумрукӣ» илова карда шаванд;
-қисми чордаҳум бо мазмуни зайл илова карда шавад:
«Таҷҳизоти истеҳсолию технологӣ барои азнавтаҷҳизонии техникии истеҳсолот, ки барои Ҷамъияти муштараки Тоҷикистону Канадагии дорои масъулияти маҳдуди «Апрелевка» ворид гардида, номгӯй ва миқдори онҳоро Ҳукумати Ҷумҳурии Тоҷикистон муқаррар мекунад, бе тағйир додани саҳми тарафҳо дар сармояи оинномавии Ҷамъият аз пардохти андоз аз арзиши иловашуда ва боҷи гумрукӣ озод карда мешаванд.».
Моддаи 2. Қонуни мазкур аз 1 январи соли 2012 мавриди амал қарор дода шавад.
Президенти Ҷумҳурии Тоҷикистон Эмомалӣ РАҲМОН
ш. Душанбе, 8 октябри соли 2012, № 903
Қарори Маҷлиси
намояндагони Маҷлиси
Олии Ҷумҳурии Тоҷикистон Дар бораи қабул кардани Қонуни Ҷумҳурии Тоҷикистон “Оид ба ворид намудани иловаҳо
ба Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2012”
Маҷлиси намояндагони Маҷлиси Олии Ҷумҳурии Тоҷикистон қарор мекунад:
Қонуни Ҷумҳурии Тоҷикистон «Оид ба ворид намудани иловаҳо ба Қонуни Ҷумҳурии Тоҷикистон «Дар бораи Буҷети давлатии Ҷумҳурии Тоҷикистон барои соли 2012» қабул карда шавад.
Раиси Маҷлиси намояндагони
Маҷлиси Олии Ҷумҳурии Тоҷикистон Ш. ЗУҲУРОВ
ш. Душанбе, 1 октябри соли 2012, № 924
Баёни ақида (0) Санаи нашр: 13.10.12 №: 132 Мутолиа карданд: 3735
