мулоқотҳо
Гуфтушуниди сеҷонибаи сарони давлатҳои
Тоҷикистон, Афғонистон ва Эрон
17 октябр дар Кувайт масоили вобаста ба ҳамкории сеҷонибаи Тоҷикистону Афғонистону Эрон дар мулоқоти якҷояи сарони се давлат – Эмомалӣ Раҳмон, Ҳомиди Карзай ва Маҳмуди Аҳмадинажод баррасӣ гаштанд.
Сарони се давлати дӯсту ҳамфарҳанг доир ба ҳамгироии судманди миёни кишварҳои худ, аз ҷумла дар чаҳорчӯби робитаҳои сеҷониба ва ҳам дар доираи созмонҳои гуногуни минтақавию ҷаҳонӣ, аз ҷумла Созмони ҳамкориҳои иқтисодӣ, Муколамаи Осиё оид ба ҳамкорӣ, гуфтугӯи судманд анҷом доданд.
Бо ёдоварӣ аз лоиҳаҳои сершумори муштарак доир ба рушди инфрасохтори минтақавии нақлиётию энергетикӣ, аз ҷумла бунёди роҳҳои оҳану мошингард, неругоҳҳои тавлиди барқ, хатҳои интиқоли неруи барқ, нафту газ ва обрасонӣ, сарони се давлат ҳавасмандии устувори худро ба татбиқи амалии онҳо таъкид намуданд.
Баёни ақида (0) Санаи нашр: 18.10.12 №: 133-134 Мутолиа карданд: 2410
