сафарҳо
Ифтитоҳи Маркази фарҳангию фароғатӣ
Бегоҳии 19 ноябр бо иштироки Эмомалӣ Раҳмон, Президенти кишвар, дар паҳлуи чапи Қасри Арбоб Маркази муҳташами фарҳангию фароғатӣ, ки бо нақшу нигори зебову дилкаш дар болои чӯб, санг, гач ва оина оро ёфтааст, мавриди баҳрабардорӣ қарор гирифт.
Зиёфати расмӣ ва барномаи фарҳангии бошукӯҳи дигар ба ифтихори солгарди 20-уми Иҷлосияи 16-уми Шӯрои Олии Ҷумҳурии Тоҷикистон дар ҳамин бинои зебову муҳташам, ки намунаи волои санъати бостонӣ ва муосири меъмории миллати тамаддунофари тоҷик аст, баргузор гардид.
Эмомалӣ Раҳмон, Сарвари давлат, ба самараи ҳунари волои меъморону бунёдгарони ин чойхона баҳои баланд дода, ба онҳо арзи сипос кард ва ба роҳбарияти вилояти Суғд дастур дод, ки дар паҳлуи рости Қасри Арбоб як боғи фарҳангию фароғатӣ бунёд намуда, ба мардум туҳфа намоянд.
Баёни ақида (0) Санаи нашр: 21.11.12 №: 143-144 Мутолиа карданд: 2038