маориф
Дастовардҳо назаррасанд
Соли сипаришуда дар назди факултаи биология омӯзиши ихтисоси биологияи тиббӣ роҳандозӣ шуд. Дар он соли аввали таҳсил 50 довталаб ба таври шартномавӣ дохил шуд.
Барои дар ин самт тайёр намудани мутахассисон дар факулта озмоишгоҳи нав ба фаъолият шурӯъ намуд. Ҳамчунин, ба хотири рушди соҳаи ҷаҳонгардӣ дар кишвар роҳбарияти донишгоҳ дар назди факултаи география кафедраи сайёҳиро таъсис дод. Барои тайёр намудани мутахассисони ин соҳа донишгоҳ бо корхонаву муассисаҳои хориҷӣ ва меҳмонхонаҳо хамкорӣ дорад.
Дар озмуни ихтироъкори ҷавон, ки моҳи майи соли 2012 дар Донишгоҳи техникии Тоҷикистон баргузор гардид, 10 ихтироъкори факултаи физикаи донишгоҳ иштирок намуда, сазовори ҷойҳои ифтихорӣ шуданд. Дар озмуни "Бозёфт - 2012", ки аз ҷониби шабакаи телевизионии "Баҳористон" ташкил шуд, 3 донишҷӯйи равияи табиатшиносии донишгоҳ бо дипломҳои дараҷаи якум, дуюм, сеюм ва дар озмуни "Донишҷӯ ва пешрафти илму техника - 2012" ду донишҷӯ ба гирифтани ҷойи аввал шарафёб гардиданд.
Дар ин бора Абдуҷаббор Раҳмонов, ректори Донишгоҳи давлатии омӯзгории Тоҷикистон ба номи С. Айнӣ, дар вохӯрӣ ба журналистон маълумот дод.
Гулрухсор ФАЙЗУЛЛОЕВА
Баёни ақида (0) Санаи нашр: 19.01.13 №: 13 Мутолиа карданд: 5661
