номаҳо
Воридоту фурӯши орду шакару рӯғанро давлат ба уҳда гирад
Муддате нархи орд якбора зиёд шуд. Бо истифода аз ҳолатҳои мазкур бархе аз савдогарон вазни ордро кам карда, орди пастсифатро, ки хамираш дар танӯр намеистад, чун орди дараҷаи баланд ба мардум фурӯхтанд.
Мегӯянд, ки дар кишвари мо дар фурӯши баъзе аз маҳсулот, аз ҷумла орд, монополия ҳаст. Яъне танҳо як нафар ва ё гурӯҳи хурди пайвандон имкони ворид кардану фурӯхтани онро доранд. Аз ин рӯ, вобаста ба ниёзи мардум ва иду ҷашнҳо нархҳоро мувофиқи салоҳдиди худ мекунанд. Агар чунин аст, мо барин одамони камбизоат ранҷи онро мекашем, чун маошамон аз дусад сомонӣ зиёд нест. Яъне як моҳи тамом бояд барои як халта орд заҳмат бикашем.
Барои пешгирии ин гуна мушкилот, фикр мекунам, ки беҳтар мебуд агар воридоту фурӯши маҳсулоти асосии ғизоиро мисли орду шакару рӯған давлат ба уҳда гирад.
С. НЕЪМАТОВ, шаҳри Душанбе
Баёни ақида (0) Санаи нашр: 12.02.13 №: 20 Мутолиа карданд: 4998
