номаҳо
Вазорати нақлиёт оё нақлиёт дорад?
Дар замони Иттиҳоди Шӯравӣ ин муассиса вобаста бо нақлиёти зиёди дарихтиёрдошта номи Вазорати нақлиётро ба худ гирифт ва ин дуруст ҳам буд.
Имрӯз бошад, ин сохтор қариб нақлиётеро, ки фаъолияти онро назорат бараду дар хидмати шаҳрвандон қарор бигирад, надорад. Яъне дигар автобусу маршруткаҳо, таксиҳо ва автобазаҳо дар мувозинаи Вазорати нақлиёт намедарояд. Фаъолияти вазорат дар ин маврид маҳдуд, балки бениҳоят маҳдуд мебошад. Албатта, ин талаботи сохтори нави ҷомеа буд ва вазорат дар он гунаҳгор нест. Аммо номи вазорат, ки нақлиёт аст, дар ин шабу рӯз ва вобаста ба самтҳои фаъолияти он мувофиқ нест. Пас вазорате, ки нақлиёт надорад, чаро нақлиётро ба он маҷбуран бояд насб кард? Оё беҳтар нест, ки онро Вазорати роҳ номгузорӣ намоянд? Шояд хато кунам? Ба ҳар ҳол ман андешаи худ ва дигаронро туфайли ин нома ба гӯшаи "Розу ниёз" ирсол медорам. Ҷавоби масъулон, фикр мекунам, ки ҳақиқати ҳолро рӯшан месозад ва ҳам он ба рафъи камбудиҳо бояд мусоидат намояд.
Ҷ. ҲАЛИМОВ,
ноҳияи Бобоҷон Ғафуров
Баёни ақида (0) Санаи нашр: 12.02.13 №: 20 Мутолиа карданд: 4963
