номаҳо
Оҳи сард аз
дил бароварду «афсӯс» гуфт
Хостам, ки пас аз хатми мактаби таҳсилоти умумӣ донишҷӯи Коллеҷи фарҳанги ҷумҳуриявии ноҳияи Рӯдакӣ шавам. Чунки падараму амакҳоям ин даргоҳи ҳунарро хатм кардаанду дар рушду такомули фарҳанг саҳм гирифтаанд. Ман низ мақсад доштам, ки бо роҳи онҳо биравам. Чун қиблагоҳам аз мақсаду интихоби касбам огоҳ шуд, оҳи сард аз дил бароварду «афсӯс» гуфт ва пешниҳод кард, ки касби дигарро интихоб намоям. Чун сабаб пурсидам, посух дод, ки коллеҷ чанд сол боз бе хобгоҳ аст. Аз ҳикояти падарам дарёфтам, ки пештар барои таҳсил дар ин боргоҳи ҳунар хоҳишмандон на танҳо аз дохили кишвар, балки берун аз он, яъне ӯзбекистону Қирғизистон низ меомаданд. Пас маълум мешавад, ки бояд имрӯз аз коллеҷ мақоми ҷумҳуриявии онро бигиранд? Оре, дар сурате, ки хобгоҳи аздастрафтаашонро баргардонда наметавонанд ва ё барои коллеҷ хобгоҳи нав намесозанд.
Ҷ. АСРОР,
ноҳияи Темурмалик
Баёни ақида (0) Санаи нашр: №: Мутолиа карданд: 3225
