барқияҳо
Барқияи таҳният
12 июн Президенти Ҷумҳурии Тоҷикистон Эмомалӣ Раҳмон ба Президенти Федератсияи Русия Владимир Путин барқияи табрикӣ ирсол намуд, ки дар он аз ҷумла омадааст:
"Муҳтарам Владимир Владимирович,
Шумо ва дар симои Шумо мардуми дӯсти Русияро бо иди миллӣ - Рӯзи қабули Эъломия дар бораи Истиқлолияти давлатии Федератсияи Русия аз самими қалб табрик менамоям.
Тайи солҳои гузашта, пас аз ин ҳодисаи муҳим дар таърихи муосир, Федератсияи Русия дар рушди иҷтимоиву иқтисодӣ ва таҳкими сохтори давлатдорӣ ба муваффақиятҳои калон ноил гардид.
Тоҷикистон ва Русияро робитаҳои мустаҳками дӯстӣ ва ҳамкориҳои бисёрҷониба, ки бо принсипҳои шарикии стратегӣ асос ёфтаанд, бо ҳам мепайванданд.
Мо сатҳи баланди ҳамгироиро бо Федератсияи Русия қадр менамоем ва ба таҳкими якҷояи густариши минбаъдаи чорчӯбаи робитаҳоямон, ҳам дар заминаи ҳамкориҳои дуҷониба ва ҳам бисёрҷониба омодаем.
Боварӣ дорам, ки ҷараёни баланди рушди муносибатҳои ду кишвар ҷавобгӯ ба манфиатҳои аслии халқҳоямон ва ҳам тамоми минтақаи Осиёи Марказӣ аст.
Муҳтарам Владимир Владимирович, ба Шумо тани сиҳат ва дар корҳои масъулиятноки давлатиатон муваффақият, инчунин ба тамоми шаҳрвандони Русия бурдборӣ ва шукуфоӣ таманно дорам".
Баёни ақида (0) Санаи нашр: 15.06.13 №: 82-83 Мутолиа карданд: 3498
