туризм
Теъдоди сайёҳон афзуд
- Дар нимсолаи аввали соли 2013 ба Тоҷикистон 191 ҳазору 276 шаҳрванди хориҷӣ омад, ки аз ин шумора 151 ҳазору 708 нафараш сайёҳ аст. Шумораи сайёҳони воридшуда назар ба ҳамин давраи соли 2012 91708 нафар афзуд,- гуфт Кабирҷон Ҷӯраев, муовини аввали раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон.
Ҳамчунин ӯ зикр намуд, ки кумита баҳри рушди соҳаи туризм ва муаррифии захираҳои ғании туристӣ дар арсаи байналмилалӣ тавассути ниҳодҳои Вазорати корҳои хориҷии Тоҷикистон 10500 харитаи туристӣ ва 10500 маҷмӯи руқъаҳо аз мавзеъҳои тамошобоби кишвар ба афрод ва созмонҳои сайёҳии кишварҳо тақдим кард. Зикр гардид, ки кумита дар асоси Нақшаи тақвимии ягонаи чорабиниҳои оммавӣ, варзишӣ, солимгардонӣ ва иштирок дар мусобиқаҳои байналмилалӣ, ки соли равон таҳия гардид, 47 мусобиқаи ҷумҳуриявӣ ва 13 чемпионати Ҷумҳурии Тоҷикистонро доир намуд. Инчунин дар ин давра 141 варзишгари тоҷик - аъзои дастаҳои мунтахаби Ҷумҳурии Тоҷикистон оид ба намудҳои гуногуни варзиш дар 17 мусобиқаи ҷаҳон, Осиё ва мусобиқаҳои байналмилалӣ ширкат варзида, сазовори 114 медал - 37 тилло, 29 нуқра ва 48 биринҷӣ гардиданд.
Гулрухсор ФАЙЗУЛЛОЕВА
Баёни ақида (0) Санаи нашр: 13.07.13 №: 94 Мутолиа карданд: 5654