маориф
ДДСТ: соҳибони дипломи аъло
Диловар Латипов, ректори Донишкадаи давлатии санъати Тоҷикистон ба номи Мирзо Турсунзода, дар нишасти матбуотӣ ба хабарнигорон гуфт, ки донишкадаро имсол 301 нафар аз рӯи 14 ихтисос хатм намуданд.
Аз ин шумора 27 нафар соҳиби дипломи аъло шуданд. Айни ҳол 13 донишҷӯи ятими донишгоҳ аз пардохти маблағи хобгоҳ ва таҳсил озоданд. Дар нишаст ҳамчунин қайд гардид, ки зиёда аз 20 дастур ва барномаҳои таълимӣ чоп шуд. Донишҷӯён Беҳзод Боймуродов ва Обид Бобомуродов дар бахши санъати тасвирӣ ва наққошии Фестивали байналмилалии "Бозиҳои делфӣ" дар шаҳри Краснодари Федератсияи Русия ширкат варзида, соҳиби диплом ва мукофот гардиданд. Донишҷӯ Алишер Элназаров нахустнамоиши асарҳои рассомӣ ва кори ороиши витраж (тасвир дар шиша) - ро дар донишкада баргузор намуд ва аз ҷониби рассомони шинохтаи кишвар баҳои баландро сазовор гардид.
Фарзонаи ФАЙЗАЛӢ
Баёни ақида (0) Санаи нашр: 13.07.13 №: 94 Мутолиа карданд: 5588