маориф
ДДЗТ. 32 донишҷӯ дар хориҷа таҳсил дорад
Хуршед Зиёев, ректори Донишкадаи давлатии забонҳои Тоҷикистон ба номи Сотим Улуғзода, дар нишасти матбуотӣ ба хабарнигорон гуфт, ки 449 донишҷӯ донишкадаро имсол бо ихтисоси омӯзгориву тарҷумонӣ хатм намуданд.
Устодони донишкада дар ин муддат монографияҳо, мақолаҳо, дастурҳои таълимию методиро ба табъ расонданд. Се устоди донишкада рисолаи номзадӣ дифоъ намуд. Донишҷӯён дар олимпиадаҳои ҷумҳуриявӣ, озмуни ҷумҳуриявии корҳои илмӣ - тадқиқотӣ ва озмунҳои байналмилалии шаҳрҳои Остонаи Қазоқистон, Анқараи Туркия ва Пекини Чин ширкат намуда, ҷойҳои намоёнро соҳиб шуданд. Барои гузарондани давраи таҷрибаомӯзии гурӯҳи донишҷӯёни тарҷумонӣ донишкада бо ҶДММ "Созидание" (Меҳмонхонаи HYATT), Кумитаи телевизион ва радиои ҷумҳурӣ, Ҷамъияти дӯстӣ ва равобити фарҳангӣ ба кишварҳои хориҷӣ ҳамкориро ба роҳ монд. Айни замон 32 донишҷӯи донишкада дар Чин, 5 нафар дар Куриёи Ҷанубӣ, 3 нафар дар Ҷопон таҳсил менамоянд. Дар назар аст, ки соли нави таҳсил донишкада 700 нафар довталабро фаро гирад.
Фарзонаи ФАЙЗАЛӢ
Баёни ақида (0) Санаи нашр: 16.07.13 №: 95 Мутолиа карданд: 5648
