маориф
Устодони унвондор ва адабиёти таълимӣ намерасанд
- Соли равон Донишкадаи соҳибкорӣ ва хизматро 676 нафар аз рӯи 14 ихтисос хатм намуд, ки аз он 16 нафараш соҳиби дипломи аъло шуд, - гуфт
дар нишасти матбуотӣ ректори донишкада Диловар Қодиров.
Як рисолаи докторӣ, се рисолаи номзади устодон тасдиқ гардид. Дар давраи сессияи зимистона ва тобистона барои пешгирӣ намудани фасод дар донишгоҳ ситод ташкил шуд, ки рафти қабули санҷишу имтиҳонҳоро назорат менамуд. 12 донишҷӯ барои риоя накардани либоси муқарраргардида ва бо мошинҳои шахсӣ ба дарс омадан, огоҳӣ гирифтанд.
Барои такмили ихтисос 3 муаллими донишкада ба муддати аз 6 то 12 ҳафта ба Ҳиндустон фиристода шуд.
Диловар Қодиров дар посух ба саволи хабарнигорон гуфт, ки айни замон мушкили асосӣ таъмини донишкада бо устодони унвондор ва адабиёти таълимӣ мебошад.
Фарзонаи ФАЙЗАЛӢ
Баёни ақида (0) Санаи нашр: 18.07.13 №: 96 Мутолиа карданд: 5666
