маориф
Марказ соҳиби боз 4 компютер гардид
Аз сӯи Хазинаи нуфуси аҳолии СММ (UNFPA) ба Маркази демографии назди кафедраи омори факултаи баҳисобгирии иқтисодии ДДМТ боз 4 дона компютери рӯимизии «DELL» супурда шуд. Гулнора Ғуломова, номзади илми иқтисод, масъули маркази мазкур бо изҳори ташаккур иброз дошт, ки соли 2003 бо дастгирии Хазинаи нуфуси аҳолии СММ маркази демографӣ таъсис ёфт ва бо мизу курсӣ ва 9 компютер муҷаҳҳаз гардид. То имрӯз тибқи барномаи ин хазина 10 нафар донишҷӯю мутахассис барои такмили ихтисос дар Маскав таҳсил карданд. Бо кӯмаки UNFPA китобҳои дарсӣ низ дастрас гардид. Ҳамарӯза дар марказ донишҷӯёни тахассуси демография дарсҳои лабораторӣ мегузаронанд.
ДДМТ ягона мактаби олист дар кишвар, ки мутахассисони соҳаи демография тайёр мекунад. Бинобар ин Хазинаи нуфуси аҳолии СММ ба фаъолият ва ниёзҳои ин Марказ таваҷҷӯҳи хоса зоҳир менамояд.
М. САФАР, «Ҷумҳурият»
Баёни ақида (0) Санаи нашр: №: Мутолиа карданд: 7650
