фармонҳои президент
Фармони
Президенти
Ҷумҳурии
Тоҷикистон
Дар бораи раиси
Кумитаи давлатии
сармоягузорӣ ва идораи амволи давлатии
Ҷумҳурии Тоҷикистон таъин намудани
Қодири Қосим
Мутобиқи моддаи 69 Конститутсияи (Сарқонуни) Ҷумҳурии Тоҷикистон фармон медиҳам:
1. Қодири Қосим раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон таъин карда шавад.
2. Фармони мазкур барои тасдиқ ба Маҷлиси Олии Ҷумҳурии Тоҷикистон пешниҳод карда шавад.
Президенти Ҷумҳурии Тоҷикистон Эмомалӣ РАҲМОН
ш. Душанбе, 19 ноябри соли 2013, № 16
ҚОДИРИ ҚОСИМ
- раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон
Қодири ҚОСИМ 9 апрели соли 1961 дар ноҳияи Ванҷи Вилояти Мухтори Кӯҳистони Бадахшон таваллуд шудааст. Маълумоташ олӣ, соли 1983 Донишкадаи хоҷагии қишлоқи Тоҷикистонро аз рӯи ихтисоси агроном хатм кардааст.
Фаъолияти меҳнатиашро соли 1983 ба сифати агрономи совхози ба номи Федченкои ноҳияи Ванҷ оғоз намуда, сипас дар вазифаҳои сарагроном, директори совхози "Россия"-и ноҳияи Ванҷ, инспектори Кумитаи марказии комсомоли ҷумҳурӣ, котиби дуюми комитети комсомолии ВМКБ, муовини раиси кумитаи агросаноатии ВМКБ, раиси ноҳияи Ванҷ, муовини аввали раиси Вилояти Мухтори Кӯҳистони Бадахшон фаъолият намудааст.
Солҳои 2005-2006 дар вазифаи муовини вазири кишоварзии Ҷумҳурии Тоҷикистон ва аз моҳи ноябри соли 2006 дар вазифаи раиси Вилояти Мухтори Кӯҳистони Бадахшон кор кард.
Барои фаъолияти меҳнатиаш бо ордени "Дӯстии халқҳо" ва медали ҷашнии "20-солагии Истиқлолияти давлатии Ҷумҳурии Тоҷикистон" сарфароз гардидааст.
Оиладор, соҳиби 3 фарзанд мебошад.
Бо Фармони Президенти Ҷумҳурии Тоҷикистон аз 19 ноябри соли 2013 раиси Кумитаи давлатии сармоягузорӣ ва идораи амволи давлатии Ҷумҳурии Тоҷикистон таъин гардид.
Баёни ақида (0) Санаи нашр: №: 152-153 Мутолиа карданд: 2766
