фармонҳои президент
Фармони
Президенти
Ҷумҳурии Тоҷикистон
Дар бораи вазири тандурустӣ
ва ҳифзи иҷтимоии аҳолии Ҷумҳурии Тоҷикистон таъин намудани Салимов Н. Ф.
Мутобиқи моддаи 69 Конститутсияи (Сарқонуни) Ҷумҳурии Тоҷикистон фармон медиҳам:
1. Салимов Нусратулло Файзуллоевич вазири тандурустӣ ва ҳифзи иҷтимоии аҳолии Ҷумҳурии Тоҷикистон таъин карда шавад.
2. Фармони мазкур барои тасдиқ ба Маҷлиси Олии Ҷумҳурии Тоҷикистон пешниҳод карда шавад.
Президенти
Ҷумҳурии Тоҷикистон Эмомалӣ РАҲМОН
ш. Душанбе, 21 ноябри соли 2013, № 38
САЛИМОВ Нусратулло Файзуллоевич - вазири тандурустӣ ва ҳифзи иҷтимоии аҳолии Ҷумҳурии Тоҷикистон
САЛИМОВ Нусратулло Файзуллоевич 4 феврали соли 1965 дар ноҳияи Данғара таваллуд шудааст. Маълумоташ олӣ, соли 1988 Донишкадаи тиббии давлатии Тоҷикистонро хатм кардааст. Номзади илмҳои тиб.
Фаъолияти меҳнатиашро соли 1988 ҳамчун духтури беморхонаи марказии ноҳияи Данғара оғоз намуда, то соли 2006 дар вазифаҳои духтури беморхонаи вилояти Хатлон, муовини аввал ва сардухтури Беморхонаи клиникии ҷумҳуриявии ба номи А.М. Дяков, сардухтури Маркази ҷумҳуриявии бемориҳои саратон ва директори Маркази идораи лоиҳаи ислоҳоти системаи тандурустии Тоҷикистон кор кардааст.
Солҳои 2006 - 2008 дар вазифаи муовини аввали вазири тандурустии Ҷумҳурии Тоҷикистон ва аз моҳи январи соли 2008 дар мансаби вазири тандурустии Ҷумҳурии Тоҷикистон фаъолият намудааст.
Бо ордени «Шараф», дараҷаи I ва медали ҷашнии «20 - солагии Истиқлолияти давлатии Ҷумҳурии Тоҷикистон» сарфароз гардидааст.
Оиладор, соҳиби 4 фарзанд.
Бо Фармони Президенти Ҷумҳурии Тоҷикистон аз 21 ноябри соли 2013 вазири тандурустӣ ва ҳифзи иҷтимоии аҳолии Ҷумҳурии Тоҷикистон таъин гардид.
Баёни ақида (0) Санаи нашр: №: 152-153 Мутолиа карданд: 3061
