фармонҳои президент
Фармони
Президенти
Ҷумҳурии Тоҷикистон
Дар бораи вазири кишоварзии Ҷумҳурии
Тоҷикистон таъин намудани Қосимов Қ. Р.
Мутобиқи моддаи 69 Конститутсияи (Сарқонуни) Ҷумҳурии Тоҷикистон фармон медиҳам:
1. Қосимов Қосим Роҳбарович вазири кишоварзии Ҷумҳурии Тоҷикистон таъин карда шавад.
2. Фармони мазкур барои тасдиқ ба Маҷлиси Олии Ҷумҳурии Тоҷикистон пешниҳод карда шавад.
Президенти
Ҷумҳурии Тоҷикистон Эмомалӣ РАҲМОН
ш. Душанбе, 21 ноябри соли 2013, № 40
ҚОСИМОВ Қосим Роҳбарович - вазири кишоварзии Ҷумҳурии Тоҷикистон
ҚОСИМОВ Қосим Роҳбарович 3 октябри соли 1964 дар шаҳри Хуҷанди вилояти Суғд таваллуд шудааст. Маълумоташ олӣ, соли 1986 Донишкадаи хоҷагии қишлоқро аз рӯи ихтисоси агроном - олим хатм кардааст.
Фаъолияти меҳнатиашро соли 1986 ба ҳайси агрономи колхози "40-солагии Октябр"-и ноҳияи Бобоҷон Ғафуров оғоз намуда, сипас дар вазифаҳои котиби дуюми комитети комсомолии ин ноҳия, мудири шуъбаи ташкилии кумитаи комсомолии вилояти Ленинобод, раиси Шӯрои ташкилоти вилоятии Иттифоқи ҷавонони Тоҷикистон, раиси шаҳри Хуҷанд, раиси вилояти Суғд фаъолият намудааст.
Аз моҳи марти соли 2008 аввал дар вазифаи вазири кишоварзӣ ва ҳифзи табиати Ҷумҳурии Тоҷикистон ва сипас вазири кишоварзии Ҷумҳурии Тоҷикистон кор кард.
Солҳои 1994 - 1999 ба ҳайси вакили Маҷлиси Олии Ҷумҳурии Тоҷикистон, солҳои 1999 - 2005 раиси Кумитаи иқтисодиёту коммуникатсия ва аз соли 2005 - 2006 муовини аввали Раиси Маҷлиси миллии Маҷлиси Олии Ҷумҳурии Тоҷикистон кор кардааст.
Барои фаъолияти меҳнатиаш бо орденҳои "Дӯстӣ", Исмоили Сомонӣ, дараҷаи II, медалҳои ҷашнии "10 - солагии иҷлосияи 16-уми Шӯрои Олии Ҷумҳурии Тоҷикистон" ва "20 - солагии Истиқлолияти давлатии Ҷумҳурии Тоҷикистон" сарфароз гардидааст.
Оиладор, соҳиби 6 фарзанд мебошад.
Бо Фармони Президенти Ҷумҳурии Тоҷикистон аз 21 ноябри соли 2013 вазири кишоварзии Ҷумҳурии Тоҷикистон таъин гардид.
Баёни ақида (0) Санаи нашр: №: 152-153 Мутолиа карданд: 2770
