маориф
БАРНОМАИ КОМПЮТЕРКУНОНӢ ДАР ЧӢ ҲОЛ АСТ?
Мактабҳои вилояти Хатлон дар давоми 20 рӯз боз дорои як ҳазору 117 адад компютер шуданд, ки ин дар қиёс ба солҳои ахир ҷаҳиши мусбати қобили таҳсин аст.
Давлатшо Гулмаҳмадов, раиси вилояти Халон, ба иҷрои барномаи компютеркунонии муассисаҳои таълимӣ диққат дод. Ноҳияҳои Темуралик, Балҷувон, Носири Хи-срав ва шаҳри Сарбанд иҷрои нақшаро барзиёд таъмин намуданд.
Аммо навоҳии Восеъ, Қумсангир, Вахш, Бохтар ва Панҷ барномаи мазкурро аз 65 то 83 ва шаҳри Қӯрғонтеппа 84 дарсад иҷро кардаанд. Ҳамчунин аз як ҳазору 199 омӯзгори фанни технологияи информатсионӣ танҳо 596 нафар курсҳои махсусро хатм кардаанд, ки ин ба сифати таълим таъсири манфӣ мерасонад. Аз як ҳазору 168 мактаби асосиву миёнаи вилоят ҳамагӣ 157 ададаш ба хати барқи мустақил пайваст шудаасту бас. Бо генератори барқдеҳ фақат 853 мактаб таъмин аст.
Таъмини муассисаҳои таълимӣ бо компютер иқдоми нек аст, лек ба бачаҳо омӯзонидани мақсадноку пурманфиати онро ҳам набояд аз хотир баровард. Масъулон сари ин масъала бояд жарфтар андеша ронанд ва аз имконоти мавҷуда пурсамар кор бигиранд.
Баёни ақида (0) Санаи нашр: 11.01.2014 №: 9 Мутолиа карданд: 1490
