маориф
ДМТ: 62 нафар аспирантураро хатм намуд
- Ин сол як қатор омӯзгорон барои фаъолияти пурсамар дар рушди илму маориф ба мукофотҳо қадрдонӣ шуданд. Аз ҷумла 9 омӯзгор бо мукофоти давлатӣ, 38 нафар ба унвони Аълочии маориф, 1 нафар Аълочии фарҳанги ҷумҳурӣ, 56 нафар бо Ифтихорномаи Вазорати маориф ва илм сарфароз гардиданд, - гуфт Абдусалом Миралиев, муовини ректори Донишгоҳи миллии Тоҷикистон, зимни нишасти матбуотӣ.
Ба мақсади таъмини бозори меҳнат бо мутахассисон дар донишгоҳ кафедраҳои криминалистика ва фаъолияти экспертизаи судӣ, кори тиббӣ-ташхисӣ, усули таълими химия, кори иҷтимоӣ, ҳуқуқи нақлиёт ва ҳуқуқи истифодабарии сарватҳои табиӣ, тарҳрезӣ ва низоми иттилоотӣ, минтақашиносии хориҷӣ таъсис ёфт. Шӯрои илмӣ - методӣ барномаҳои таълимӣ, китобҳои дарсӣ, монографияҳо, воститаҳои таълимӣ ва дастурҳои методиро ба чоп омода намуд.
Абдусалом Миралиев дар посух бо саволи хабарнигори рӯзнома гуфт, ки соли гузашта шуъбаи аспирантураи донишгоҳро 62 нафар хатм намуд.
Фарзонаи Файзалӣ, «Ҷумҳурият»
Баёни ақида (0) Санаи нашр: 16.01.2014 №: 12 Мутолиа карданд: 1351
