илм
ДАРЁФТИ 9 ПАНТЕНТИ ИХТИРООТ
Олимони Академияи илмҳои ҷумҳурӣ дар соли 2013 9 патенти ихтироот ба даст овардаанд. Дар ин муддат аз ҷониби кормандон 1250 асари илмӣ ба табъ расид.
Ҳамчунин мақолаҳои зиёди илмии олимон дар маҷаллаҳои ИДМ ва дигар кишварҳои хориҷӣ нашр гардиданд. Дар соҳаи физика, химия, математика, геология, фалсафа, сиёсатшиносӣ, зилзилашиносӣ олимон ба дас-товардҳои нави илмӣ ноил шуданд. Таълифи бобҳои ҷудогонаи «Грамматикаи таърихи забони шуғнонӣ (морфология)» анҷом ёфт. Олимони соҳаи демография баъди таҳқиқот муайян намуданд, ки аз соли 2000 то 2011 даромади маҷмӯии хонаводаҳо ба ҳар як узви оила ва теъдоди таваллудшудагон зиёд шудааст.
- Аз 11 шӯрои диссертатсионии Академияи илмҳои ҷумҳурӣ бо сабабҳои маълум танҳо 1 шӯро (шӯрои диссертатсионии Институти таърих, бостоншиносӣ ва мардумшиносии ба номи Аҳмади Дониш) фаъолият намуд. Дар ин шӯро ду нафар рисолаи докторӣ ва 13 нафар рисолаи номзадӣ дифоъ намуданд, - гуфт Фарҳод Раҳимов, президенти Академияи илмҳои Тоҷикистон.
Ф. ФАЙЗАЛИЕВА
Баёни ақида (0) Санаи нашр: 21.01.2014 №: 15 Мутолиа карданд: 1539