сафарҳо
ИФТИТОҲИ БОЗИҲОИ XXII ЗИМИСТОНАИ ОЛИМПӢ
8 феврал Президенти Ҷумҳурии Тоҷикистон Эмомалӣ Раҳмон дар маросими бошукӯҳи ифтитоҳи Бозиҳои XXII зимистонаи олимпӣ дар шаҳри Сочии Федератсияи Русия иштирок намуд.
Дар ин маросим роҳбарони давлатҳо ва намояндагони воломақоми зиёда аз 80 кишвар ва созмонҳои минтақавию ҷаҳонӣ иштирок доштанд.
Ин намоиши таассурбахшро беш аз 40 ҳазор ҳозирин аз варзишгоҳ ва зиёда аз 3 миллиард нафар тавассути телевизион тамошо карданд.
Дар таҳияи ин барнома 12 ҳазор мутахассисони гуногун ва дар паради варзишгарон 3,5 ҳазор варзишгар ва ҳамроҳони онҳо бештар аз 100 давлати ҷаҳон иштирок намуданд.
Тоҷикистонро дар Бозиҳои зимистонаи олимпии Сочи лижарон Алишер Қудратов намояндагӣ мекунад.
Баёни ақида (0) Санаи нашр: 11.02.2014 №: 29 Мутолиа карданд: 1435
