мулоқотҳо
МУЛОҚОТИ ЭМОМАЛӢ РАҲМОН БО НИКОЛАЙ БОРДЮЖА
20 феврали соли равон Эмомалӣ Раҳмон, Президенти кишвар, Дабири кулли Созмони Аҳдномаи амнияти дастаҷамъӣ Николай Бордюжаро ба ҳузур пазируфт.
Дар мулоқот масоили ҳамкорӣ дар доираи ин созмон ва мавзӯъҳои минтақавию ҷаҳонӣ баррасӣ гардиданд.
Бо таваҷҷуҳ ба мушкилоти марзии миёни Тоҷикистону Қирғизистон изҳори боварӣ карда шуд, ки ҳамаи масоили баҳсталаби миёни ин ду кишвар бо роҳҳои сиёсию дипломатӣ ва бидуни истифода аз неру ҳалли худро хоҳанд ёфт.
Дар иртибот ба дурнамои авзои Афғонистон таваҷҷуҳи асосӣ ба дастрас намудани ёрии ҳарбӣ-техникии қисме аз кишварҳои аъзои Созмони Аҳдномаи амнияти дастаҷамъӣ ба неруҳои марзбони Тоҷикистон зоҳир гардид.
Инчунин доир ба дигар масоили мавриди таваҷҷуҳ гуфтугӯйи судманд сурат гирифт.
Баёни ақида (0) Санаи нашр: 21.02.2014 №: 37 Мутолиа карданд: 1338
