маориф
КӮЛОБ: ДОНИШГОҲ ЗАМОНАВӢ МЕГАРДАД
Дар суҳбат ректори дониш-гоҳ, доктори ил-мҳои физика ва математика Абдулло Табаров гуфт:
- То ба имрӯз донишгоҳи Кӯ-лобро ҳазорҳо нафар толибилм хатм намуда, дар риштаҳои гуногуни иҷтимоию сиёсӣ сарбаландона фаъолият карда истодаанд. Дар солҳои 2014 - 2015 тибқи супориши Президенти мамлакат, муҳтарам Эмомалӣ Раҳмон дар донишгоҳ бинои нав сохта ба истифода дода мешавад.
Ин боргоҳи маърифатро бисёр олимони номдор хатм намудаанд ва аксари онҳо дар донишгоҳҳои ҷумҳурӣ ва берун аз мамлакат ба фаъолияти илмӣ машғул мебошанд. Ба омода намудани мутахассисони касбӣ талош меварзем. Ҷавононро барои баланд бардоштани сатҳи маърифат ва ҳимояи рисолаҳои номзадӣ сафарбар намуда истодаем. Бо дастгирии вазири маориф ва илм ба муалимони ҷавоне, ки рисолаи докторӣ ва номзадӣ ҳимоя мекунанд, дар донишгоҳ ба маблағи то 3000 сомонӣ ёрипулӣ дода мешавад.
Имрӯзҳо заминаи моддӣ - техникии донишгоҳ беҳтар гардида, айни ҳол сохтмони ҳашт синфхона, таъмири маҷлисгоҳи факултаи таърих ва ҳуқуқ ва ошхонаи дуқабата барои донишомӯзон идома дорад. Ошхона бо ҷалби маблағҳои соҳибкорон, собиқ хатмкунандагони донишгоҳ сохта шуда истодааст. Ин ҳама то ҷашни Наврӯз ба истифода дода мешавад. Ҳоло сохтмону навсозии толори варзишии донишгоҳ ба итмом расид ва бинокорон ба сохтмони майдончаи варзишӣ шурӯъ карданд.
Ба хотири пешрафти таълиму тарбия ҳоло дар донишгоҳ панҷ лоиҳаи байналмилалӣ амал мекунад ва чанде аз донишҷӯёни мо дар Испания, Италия ва ғайра ба таҳсил фаро гирифта шудаанд. Аз ҳисоби донишгоҳ ба аспирантҳое, ки барои таҳсил ба шаҳри Душанбе мераванд, стипендия таъсис додем, то онҳо баъди хатми аспирантура ба донишгоҳ баргарданд.
Дар давоми солҳои таҳcили 2014 – 2015 сохтмони як хобгоҳи замонавиро барои донишҷӯён ба нақша гирифтаем, - афзуд А. Табаров ва илова намуд - ҳоло дар донишгоҳ шуъбаи аспирантура амал мекунад, ки дар он 33 аспирант фаъолият доранд. Дар асри 21 низоми таълиму тарбия тавъам бо рушди илму технологияи муосир ҳамвора дар инкишоф аст. Донишҷӯ бояд дониши худро пайваста такмил диҳад ва донад, ки фардо ӯ ба дигарон чӣ меомӯзад.
Таҳти иқдоми пешгирифтаи ректор бо қувваи донишҷӯён дар донишгоҳ шанбегиҳо баргузор мегардад ва атрофи ин муассисаи таълимӣ ҳамеша тозаю озода аст.
Ҳамчунин тамоми кафедраҳои донишгоҳ бо компютер ва дигар таҳҷизотҳои хониш таъмин гардид. Марказҳои тестӣ низ ба компютерҳо таъмин шудаанд. Дар донишгоҳ маркази омӯзишии компютерӣ барои донишҷӯён ройгон буда, омӯзгорон низ аз он истифода мекунанд.
Бо саъю талош ва роҳбарии сарварашон донишҷӯёну омӯзгорони Донишгоҳи давлатии Кӯлоб ба номи Абуабдуллоҳи Рӯдакӣ барои расидан ба ҳадафҳои бузургтар талош меварзанд ва дар омода намудани мутахассисони варзидаи кишвари азизамон саҳми бештар мегузоранд.
Низом БАРОТОВ, шаҳри Кӯлоб
Баёни ақида (0) Санаи нашр: 22.02.2014 №: 38 Мутолиа карданд: 1540
