маориф
БОРГОҲИ ҲУНАР
Муассисаи таълимии кол-леҷи энергетикии ноҳияи Ҷалолиддини Румӣ соли хафтум фаъолият дорад ва аз ихтисосҳои таъминоти барқии корхонаҳои саноатӣ ва комплексҳои технологӣ, неругоҳҳои барқӣ, ташкили ҳамлу нақл ва идоракунии нақлиёти автомобилӣ, иқтисодиёт ва ташкили ис-теҳсолот дар соҳаи барқ мутахассиси соҳаи барқро тайёр менамояд.
Маҳз рушди соҳаи энергетика дар кишвар таваҷҷуҳи довталабонро ба коллеҷ афзун мекунад. Дар ин боргоҳ барои омӯхтани ҳунар тамоми шароитҳо фароҳам оварда шудааст. Донишҷӯён метавонанд, ки пешаи интихобкардаро омӯхта, фардо дар бозори меҳнат ҷои худро пайдо намоянд.
Барои тайёр кардани мутахассисони баландихтисос дар 4 бахш синфхонаҳои махсус ва дигар утоқҳои лозимӣ мавҷуданд, ки ҷавобгӯи талаботи замон мебошанд.
Дар шуъбаҳои рӯзона ва ғоибонаи коллеҷ 823 нафар ҷавонон аз тамоми манотиқи кишвар таҳсил мекунанд. Донишҷӯёни раҳдур бо ҷои зист таъминанд.
Воқеъан дар ҳар иншооту неругоҳ мутахассисони ин даргоҳ чун обу ҳаво заруранд. Онҳо метавонанд дар истеҳсоли неруи барқ ва рафъи нуқсонҳои техникӣ саҳми босазо дошта бошанд.
Инак соли чорум аст, ки коллеҷи мазкурро донишҷӯён хатм карда, пайи кор мераванд.
Имрӯзҳо, ки мавсими ниҳолшинонист, касбомӯзон ба хотири боз ҳам зебову обод гардонидани гирду атрофи муассисаи таълимӣ 452 бех ниҳоли ороишиву сояафкан ва мевадиҳанда шинонданд.
Соҳиби ВАТАН
Баёни ақида (0) Санаи нашр: 12.03.2014 №: 49 Мутолиа карданд: 1564
