барқияҳо
ЛАУРЕАТИ МУКОФОТИ НОБЕЛ ГАБРИЭЛ ГАРСИА МАРКЕС ДАРГУЗАШТ
18 апрел дар синни 87-солагӣ нависандаи машҳури колумбинажод Габриэл Гарсиа Маркес аз олам даргузашт.
Президенти Колумбия Хуан Мануэл Сантос дар робита ба марги нависандаи машҳур се рӯз дар кишвар мотам эълон кард.
Президенти Ҷумҳурии Тоҷикистон Эмомалӣ Раҳмон дар робита бо талафоти бебозгашт - даргузашти нависандаи машҳури ҷаҳонӣ, Лауреати мукофоти Нобел, классики адабиёти асри мо - Габриэл Гарсиа Маркес барқияи тасаллият ирсол намуд.
Сарвари давлат қайд намуд, ки дар асарҳои нависанда ҳақиқат ва тахайюлот хеле пайвастӣ доранд. Онҳо гузашта, ҳозира ва ояндаро мепайванданд.
Моҳияти фалсафаи умумибашарӣ ва умумипланетарии Маркес аз он иборат аст, ки инсонро доимо бобати тақдири ӯ дар Замин, дар бораи инсондӯстӣ ва ҷавонмардӣ, ахлоқи покиза, оид ба зарурати зистан дар сулҳу тифоқӣ хотиррасон мекунад.
Габриэл Гарсиа Маркес — нависандаи машҳури колумбӣ - носир, журналист, ношир ва ходими сиёсӣ, Лауреати мукофоти Нобел дар соҳаи адабиёт дар соли 1982 мебошад. Намояндаи «реализми муъҷизаовар» ва арбоби барҷастаи Амрикои лотинӣ ва носири ҷаҳонии асри ХХ аст. Романҳои «Тирамоҳи Патриарх» («Осень Патриарха»), «Муҳаббат ҳангоми тоун» («Любовь во время чумы») ба нависанда шуҳрати ҷаҳонӣ оварданд. Вай муаллифи «Сад соли танҳоӣ» («Сто лет одиночества»), повести «Генерал дар лабиринти худ» («Генерал в своем лабиринте» ва бисёр асарҳои дигар низ мебошад.
Баёни ақида (0) Санаи нашр: 22.04.2014 №: 74 Мутолиа карданд: 1375
