номаҳо
Аз фурӯшандагон инсоф мехоҳем
Сол то сол шумораи боғҳо ва дарахтони мевадиҳанда дар кишвар меафзояд. Дар ин хусус менависанду барномаҳои ҷолиб омода мекунанд. Кас гумон менамояд, ки дигар мева дар бозорҳо фаровон мегардаду нархҳо поёнтар мефарояд. Вале акси он ба назар мерасад. Аз ҷумла соли гузашта дар бозорҳо камии мева мушоҳида гардид ва нархҳо қимат буд. Имсол низ вазъ чунин аст. Махсусан нархи гелос ҳеҷ арзон намешавад. Ҷойи таассуф мебошад, ки шаҳрванди кишвар дар чунин мулки биҳиштосо дар ин шабу рӯз як килограмм гелосро ба қимати 5-6 доллари амрикоӣ мехарад. Инсоф ҳам даркор аст, охир. Агар муносибат чунин идома биёбад, ҳатман дар солҳои баъдӣ бозорҳои моро хориҷиён бо маҳсулоти арзонашон соҳибӣ мекунанд. Медонем, ки ин навиштаҳо раги хоби касеро намезанад. Яъне ба ислоҳи вазъ ҳеҷ бовар надорам, аммо чун дил месӯзад, нафас дар гулӯ мепечаду мегӯяд, ки танг омадам, фарёд кун.
С. ҚУРБОНОВА, ноҳияи Рӯдакӣ
Баёни ақида (0) Санаи нашр: 13.06.2014 №: 112 Мутолиа карданд: 1376
