номаҳо
Аҷиб шаҳрдорию ноҳиядорие...
Қариб даҳ рӯз аст, ки дар даҳлез чароғ надорем. Шабона бо тарс дарҳоро ба рӯи ҳамсояҳову хешовандон мекушоем. Дар ин вақт ба хона омадан низ осон нест. Махсусан кӯдакон сахт метарсанд. Хайрият телефонҳои мобилӣ чароғак доранд ва ин то ҷое мушкилро ҳал менамояд.
Ин амали номатлуб аз нозири барқ содир нашудааст. Як гурӯҳ омаданду гуфтанд, ки рейд (санҷиш) мегузаронанд. Симҳои чароғро канданд, ки ба «Барқи тоҷик» талафот меоваранд. Аҷаб кореву аҷаб мантиқе? Наход аз як хонаи шашдаҳлеза танҳо симҳои чароғи як даҳлезро мебуридаанду талафотро барқарор мекардаанд? Дар ҳафтод соли ҳукмронии Иттиҳоди Шӯравӣ ва қариб бисту се соли замони истиқлолияти кишвар бори аввал ба чунин ҳодиса рӯ ба рӯ мешавем. Магар ин масъала роҳи дигари ҳал надошт? Ва чаро ҳангоми гузарондани санҷиш масъулони хонаву маҳалла даъват нашуданд? Ин чӣ гуна шаҳрдорию ноҳиядорӣ аст, ки чунин рейдҳои беақлонаро гурӯҳе мегузаронанду ҳеҷ чорае андешида намешавад?
А. РАҶАБОВА,
ноҳияи Сино, кӯчаи Ҳувайдуллоев, 135, гузаргоҳи 1
Баёни ақида (0) Санаи нашр: 4.07.2014 №: 127 Мутолиа карданд: 1267
