қарорҳои ҳукумат
ҚАРОРИ
Ҳукумати Ҷумҳурии Тоҷикистон
аз 1 августи соли 2014, № 512, ш. Душанбе
Дар бораи сарфароз гардонидан бо ҷоизаҳои давлатии Ҷумҳурии Тоҷикистон ба номи Абуабдулло Рӯдакӣ дар соҳаи адабиёт, санъат, меъморӣ ва журналистика дар соли 2014.
Мутобиқи моддаи 17 Қонуни конститутсионии Ҷумҳурии Тоҷикистон «Дар бораи Ҳукумати Ҷумҳурии Тоҷикистон» Ҳукумати Ҷумҳурии Тоҷикистон қарор мекунад:
Ҷоизаҳои давлатии Ҷумҳурии Тоҷикистон ба номи Абуабдулло Рӯдакӣ дар соҳаи адабиёт ва меъморӣ дар соли 2014 ба шахсони зерин дода шавад:
Дар соҳаи адабиёт:
Сайфуллоев Атахон – доктори илмҳои филологӣ, барои рисолаи «Уфуқҳои тозаи наср».
Мирзо Файзалӣ - Шоири халқии Тоҷикистон, барои маҷмӯаи ашъори «Гулхори чида - чида».
Дар соҳаи меъморӣ:
Муқимов Рустам Самадович – доктори илмҳои меъморӣ, барои «Энциклопедия памятников арийской культуры Центральной Азии. Таджикистан». (Энсиклопедияи ёдгориҳои фарҳанги ориёии Осиёи Марказӣ. Тоҷикистон)
Ҷоизаи байналмилалӣ дар соҳаи тарҷума, пажӯҳиш ва тарғиби адабиёти тоҷик дар мамлакатҳои хориҷӣ:
Синелников Михаил Исаакович – шоири рус, барои маҷмӯаи «Огненные знаки» («Рамзҳои озарин»), барои тарҷума ва тарғиби назми тоҷик дар Федератсияи Россия
Раиси Ҳукумати
Ҷумҳурии Тоҷикистон Эмомалӣ РАҲМОН
Баёни ақида (0) Санаи нашр: 12.08.2014 №: 159 Мутолиа карданд: 1465
