Дар ҷаласа тағйиру иловаҳои воридшуда ба Кодекси мурофиавии ҷиноятии Ҷумҳурии Тоҷикистон, Кодекси мурофиаи ҳуқуқвайронкунии маъмурии Ҷумҳурии Тоҷикистон ва қонунҳои Ҷумҳурии Тоҷикистон «Дар бораи Агентии назорати давлатии молиявӣ ва мубориза бо коррупсияи Ҷумҳурии Тоҷикистон», «Дар бораи амният», «Дар бораи мубориза бар зидди терроризм», «Дар бораи милитсия», «Дар бораи мубориза бар зидди ҷинояткории муташаккилона», «Дар бораи ҷовидон сохтани хотираи шаҳрвандоне, ки ҳангоми муҳофизати Ватан ҳалок гардидаанд», «Дар бораи бақайдгирии давлатии дактилоскопӣ», «Дар бораи экспертизаи давлатии судӣ», «Дар бораи мақомоти амнияти миллии Ҷумҳурии Тоҷикистон», «Дар бораи мубориза бар зидди экстремизм (ифротгароӣ)», «Дар бораи мудофиаи гражданӣ», «Дар бораи Қӯшунҳои сарҳадии Кумитаи давлатии амнияти миллии Ҷумҳурии Тоҷикистон», «Дар бораи Қӯшунҳои дохилии Вазорати корҳои дохилии Ҷумҳурии Тоҷикистон», «Дар бораи фармоиши давлатии мудофиавӣ», «Дар бораи вазъи ҳуқуқии хизматчиёни ҳарбӣ», «Дар бораи таъмини нафақаи хизматчиёни ҳарбӣ», «Дар бораи гаравхона (ломбард)», «Дар бораи фаъолияти бонкӣ», «Дар бораи гарави амволи манқул», «Дар бораи металҳои қиматбаҳо ва сангҳои қиматбаҳо», «Дар бораи иҷозатномадиҳӣ ба баъзе намудҳои фаъолият», «Дар бораи амнияти озуқаворӣ», Дар бораи ҳудудҳои табиии махсус муҳофизатшаванда», «Дар бораи ҷавонон ва сиёсати давлатии ҷавонон», «Дар бораи фондҳои ғайридавлатии нафақа», «Дар бораи интихоботи вакилон ба Маҷлисҳои маҳаллии вакилони халқ», «Дар бораи реклама», «Дар бораи иттилоот» аз ҷониби аъзои Маҷлиси миллӣ баррасӣ ва ҷонибдорӣ гардиданд. Ҳамчунин, лоиҳаҳои қарорҳои Маҷлиси миллии Маҷлиси Олии Ҷумҳурии Тоҷикистон «Дар бораи тағйир додани номи баъзе маҳалҳои аҳолинишини шаҳри Панҷакент ва ноҳияи Ашти вилояти Суғд», «Дар бораи тағйир додани номи баъзе  маҳалҳои аҳолинишини ноҳияҳои Шӯрообод, Қубодиён ва Бохтари вилояти Хатлон» мавриди баррасӣ қарор гирифтанд.

Бо қарори Маҷлиси миллӣ ваколати судяи Суди Олӣ У. Маҳмадшоев бинобар вафоташ қатъ гардид ва Ҷ. Исроилов аз вазифаи судяи Суди Олии иқтисодӣ бозхонд шуд.

Маҳмадсаид Убайдуллоев аз Абдуҷаббор Ширинов - раиси Бонки миллӣ ва Шерхони Одина, Прокурори генералӣ, хоҳиш кард, ки ҷиҳати тақвият бахшидан ба татбиқи Қонуни Ҷумҳурии Тоҷикистон «Дар бораи ипотека» чораҳо андешанд, то дастрасии манзил ба шаҳрвандон осон гардад. 

 

Мунаввари САФАР,

«Ҷумҳурият»