номаҳо
МАРДУМФИРЕБӢ ТО БА КАЙ?
Дар мо, яъне дар кишвари мо низ коғази ташноб ё худ барои ҳоҷатхона истеҳсол мекунанд. Нархи он нисбат ба дигар кишварҳо арзонтар мебошад. Мутаассифона, на ба он хотир, ки дар он харҷ камтар шудаву ба аҳолӣ сабукӣ мебахшанд. Ин коғазҳо бесифатанд. Албатта, мо мефаҳмем, ки дар истеҳсоли он низ ҳанӯз қафо мондаем ва ба технологияву мутахассисони варзида дастрасӣ надорем. Ин ҳамаро, аз ин рӯ, метавон бахшид. Вале чӣ гуна метавон аз фиреби онҳо чашм пӯшид? Исботу баррасии ин масъала ҳеҷ душворие надорад. Ҳар кадом коғазеро, ки бигирӣ, бар ин ҳақиқат гувоҳӣ медиҳад. Дар ин коғазҳо чӣ чизҳоеро мебинӣ. Мебинӣ ва ба тааҷҷуб меоӣ. Хорият меояд. Дар ҳар гирда коғазҳо қисман даридаанд. Медонанд, ки онро ба шумори дона мефурӯшанд, на вазн, вагарна шояд ба ин авомфиребӣ рӯ намеоварданд. Намедонам, масъулон ба куҷо менигаранд. Чаро онҳоро ба ин ҳоли ногувор иҷозат медиҳанд, ки истеҳсол бикунанду ба фурӯш бибароранд? То ба кай ба роҳи фиреб пули мардумро бояд ба даст биёранд? Бо чунин вазъу ҳол оё мо дар оянда ба рақобати солим тоб оварда ва бозорҳоямонро соҳиб шуда метавонем? Афсӯс, ки посухи мусбат дода наметавонем.
Сурайёи АЗИЗ, шаҳри Қӯрғонтеппа
Баёни ақида (0) Санаи нашр: 11.12.14 №: 243 Мутолиа карданд: 5529