номаҳо
ТАШАККУР, ИНСОНИ НЕК!
Мехоҳам тавассути рӯзномаи бонуфузи мамлакат – «Ҷумҳурият» ба инсоне сипосгузорӣ намоям, ки бо ёрию дастгирии ӯ дар пайраҳаи зиндагӣ дилпурона қадам мениҳам. Ин марди хайрхоҳ майори милитсия Неъматулло Маҳмудов, сардори хадамоти шиносномадиҳии шуъбаи корҳои дохилии ноҳияи Фархор, мебошад. Вақте мактаб – интернати ноҳияро хатм кардам, аз сабаби надоштани шароит хонданро идома додан намехостам. Аммо ин марди хайрхоҳу инсонпарвар гуфт:
- Бихон, писарам, ту дониши хуб дорӣ. Ман дар муддати хонданат кӯшиш менамоям, ки бо сару либос ва пул таъминат созам.
Инак, ман соли дуюм аст, ки донишҷӯям. Хуб мехонам. Акаи Неъматулло Маҳмудов маро бо сару либоси мувофиқ ба фасли сол таъмин менамояд, илова бар ин ҳар моҳ барои ман 100 – 120 сомонӣ равон мекунад. Мехоҳам хонда мутахассиси хуб шавам ва ба ниёзмандон ёрӣ расонам. Ба инсони нек акаи Неъматулло аз самими дил сипосгузорӣ мекунам.
Идибек ШАРИФОВ,
сокини ноҳияи Фархор
Баёни ақида (0) Санаи нашр: 13.01.15 №: 8 Мутолиа карданд: 5250
