номаҳо
САЗОВОРИ БОВАРӢ БОШЕМ
Мо, собиқадорони ҷанг ва меҳнати ноҳияи Ғончӣ, ки аз ҳамаи имтиёзҳо бархӯрдор буда, давлати босаодати пирӣ меронем, аз ғамхориҳои ҳамешагии Президенти Ҷумҳурии Тоҷикистон, Ҷаноби Олӣ, муҳтарам Эмомалӣ Раҳмон баҳрамандем ва ба эшон арзи сипос менамоем. Сипосгузорем, ки орзуи аз солҳои Шӯравӣ дар дил парваридаи сокинони ноҳия ҷиҳати амалӣ намудани сохтмони хати оби ошомидании «Даҳкатсой – Даҳанасой» маҳз бо дастгирии Сарвари ғамхору дилсӯзи халқ муҳтарам Эмомалӣ Раҳмон амалӣ мегардад.
Ҳамчунин лоиҳаи Барномаи рушди иҷтимоию иқтисодии ноҳияи Ғончӣ барои солҳои 2016 – 2020 таҳия гардида, ба Ҳукумати Ҷумҳурии Тоҷикистон пешниҳод шудааст. Бо татбиқи он ноҳия боз ҳам ободу шукуфон мешавад.
Мо, собиқадорони ҷангу меҳнат, барои чунин эътибору ғамхорӣ ба Президенти Ҷумҳурии Тоҷикистон, Ҷаноби Олӣ, муҳтарам Эмомалӣ Раҳмон сипосгузорӣ намуда, роҳбарияти давлату Ҳукуматро бовар мекунонем, ки сокинони меҳнатқарини Ғончӣ бо фаъолият ва ташаббуси созандагию бунёдкорӣ минбаъд ҳам сазовори боварии Сарвари давлат амал менамоянд.
Даврон ЭРГАШЕВ, Муҳиддин БАРОТОВ,
Сироҷиддин ОСИМӢ, Матлуба САЛОҲИДДИНОВА,
Ёдгор ХОЛМАТОВА собиқадорони
ҷангу меҳнати ноҳияи Ғончӣ
Баёни ақида (0) Санаи нашр: 13.01.15 №: 8 Мутолиа карданд: 5185
