номаҳо
ИСТАРАВШАН. КИТОБХОНАИ НАВ БУНЁД МЕГАРДАД
Мақомоти иҷроияи ҳокимияти давлатии шаҳри Истаравшан мақолаи рӯзноманигор Ҳусейн Нарзуллоро бо номи «Истаравшан. Китобхонаи бемакон», ки дар рӯзномаи «Ҷумҳурият» 15 ноябри соли 2014, таҳти № 223 чоп гардид, мавриди баррасӣ қарор дод.
Муаллиф дар мақолааш масъалаи муҳимро, ки ҳалли он барои баланд бардоштани маърифатнокии мардум мусоидат мекунад, ҳамчунин дар бораи бинои худро надоштани китобхонаи мазкур ба миён гузоштааст.
Барои беҳтар намудани вазъи имрӯзаи китобхона мақомоти иҷроияи ҳокимияти давлатии шаҳр мутобиқи пешниҳоди бахши фарҳанги шаҳр ба унвони вазири фарҳанги Ҷумҳурии Тоҷикистон мактуб ирсол намуда буд. Дар посух ба он омадааст, ки сохтмони китобхонаи марказии шаҳри Истаравшан дар мадди назари онҳо буда, ба нақша дароварда шудааст.
Мақомоти иҷроияи ҳокимияти давлатии шаҳри Истаравшан иқдоми Вазорати фарҳанги Ҷумҳурии Тоҷикистонро дастгирӣ намуда, бовар дорад, ки сохтмони бинои нави китобхона имсол дар назди қасри фарҳанги шаҳр оғоз меёбад. Ҳоло шароити корӣ барои кормандони китобхонаи шаҳрӣ беҳтар буда, шумораи хонандагон дар ин даргоҳи маърифат зиёд гардидааст.
И.АБДУЛЛОЗОДА,
раиси шаҳри Истаравшан
Баёни ақида (0) Санаи нашр: 23.01.15 №: 16 Мутолиа карданд: 4914