озмунҳо
ОЗМУНИ «ҶУМҲУРИЯТ»: «ХОНАВОДАИ СОЛИМ»
Мусаллам аст, ки ҷомеаи солим аз оила ва насли бегазанд ташаккул меёбад.
Эмомалӣ Раҳмон, Президенти Ҷумҳурии Тоҷикистон, дар Паёми имсолааш ба Маҷлиси Олии Ҷумҳурии Тоҷикистон (23 январи соли 2015), оид ба масъалаи оила ва оиладорӣ андешаҳои муҳим иброз дошта, пешниҳод кард, ки соли 2015 дар кишвар «Соли оила» эълон карда шавад.
«Ҷумҳурият» барои инъикоси рафти иҷрои ин дастури Сарвари давлат ОЗМУН эълон мекунад.
Муаллифон метавонанд дар жанрҳои хабар, мақола, публисистика, гузориш, лавҳа, репортаж, очерку ҳикоя оид ба оилаву оиладорӣ, мушкилоти он, никоҳи хешовандони наздику таваллуди кӯдакони маъюб, нашъамандӣ, таҳдиду зӯроварӣ дар хонадон, муносибати хусуру хушдоман ва арӯс, муҳоҷирати ҷавонон ба хориҷа ва таъсири он ба оилаҳои навбунёд, талоқҳои телефонӣ, бисёрзанӣ, нигоҳи ислом ба никоҳи хешони наздик, оилаҳои гуногунмиллат, тарзи ҳаёти солим ва дигар масоил бинависанд.
Ғолибонро мукофотҳои зерин интизоранд:
1. Барои ҷойи аввал – 1000 сомонӣ
2. Барои ду ҷойи дуюм – ҳар яке 800 сомонӣ
3. Барои ду ҷойи сеюм – ҳар яке 500 сомонӣ
4. Барои ду ҷойи ҳавасмандкунӣ – ҳар яке 250 сомонӣ
Дар озмун ҳама ашхоси хоҳишманд иштирок карда метавонанд. Он дар арафаи Соли нави 2016 ҷамъбаст мешавад.
Матлабҳо ба озмун бо ишораи «Барои озмуни «Хонаводаи солим» қабул карда мешаванд.
Баёни ақида (0) Санаи нашр: 6.02.2015 №: 26-27 Мутолиа карданд: 30159
