номаҳо
Маркази телефонии мо кӯҳна шудааст…
Деҳаи мо аз калонтарин деҳаҳои ноҳия ба шумор меравад. 5000 аҳолӣ дорад. Дар ин ҷо як маркази телефонӣ фаъол аст, ки иборат аз 100 нуқта мебошад. Онро соли 1985 сохтаанд. Яъне бисёр кӯҳна буда, ба талабот ҷавоб намедиҳад. Бар замми он бо телефонҳо ҳатто ба ноҳия робита карда намешавад. Албатта, доштани чунин телефон дар замоне, ки тараққиёти техникию технологӣ ба сатҳи бисёр баланд расида, боиси хиҷолати мо, сокинон, аст. Инчунин 100 нуқтаи телефонӣ барои аҳолии панҷҳазорнафара кофӣ нест. Талабот ба доштани нуқтаи телефонии замонавӣ зиёд мебошад.
Муроҷиату дархости сесолаи мо оид ба ин масъала ҳеҷ не, ки аз ҷониби масъулони соҳаи ноҳия ҷавоби мусбат пайдо кунад. Аз ин рӯ ба гӯшаи «Розу ниёз»-и «Ҷумҳурият» рӯзномаи бонуфузи кишвар, аз номи сокинони деҳа нома навиштам. Пас аз нашраш масъулон баҳри ҳалли масъала шояд чорае андешанд.
Обидҷон ҲАЛИМОВ, деҳаи Қизилии ноҳияи Ғончӣ
Баёни ақида (0) Санаи нашр: №: Мутолиа карданд: 7290
