номаҳо
Китобҳои тозанашр дастрас нест
Имрӯзҳо дар мавриди нахондани китобҳои бадеӣ бисёр мегӯянду менависанд. Ин, албатта, хуб аст. Аммо мо бояд чиро бихонем? Ба ростӣ, ба китобҳои тозанашр дастрасӣ надорем. Каталоги онҳо низ дар мағозаҳои китобфурӯшӣ ва ё китобхонаҳои оммавӣ мавҷуд нест. Пас чӣ сон бифаҳмем, ки кадом китобҳо дар кишвар ба табъ расидаанду ба завқи мо мувофиқанд?
Чанде пеш дар пойтахти кишвар вориди мағозаи марказии китобфурӯшӣ гардидам. Нархи чанд китобро пурсидам. Посухи фурӯшанда ва гаронии нархҳо умедҳоямро барбод дод. Яъне маоши ман ба харидани китобҳои асосии касбӣ ва бадеӣ намерасад. Оё дигарон ҳам имкони харидани Энсиклопедияи миллии Тоҷикистонро доранд? Ҳар як ҷилди он (се ҷилдаш ва табъ расидааст) беш аз сад сомонӣ арзиш дорад. Фикр мекунам, ки ҳар сокини кишвар, дӯстдори ин сарзамини аҷдодӣ дар хонааш аз ин китоб ва «Тоҷикон» - и Бобоҷон Ғафуров бояд дошта бошад. Вале имкон даст медиҳад? Не, ки не!
С. АМИНОВ, ноҳияи Балҷувон
Баёни ақида (0) Санаи нашр: 18.02.2015 №: 35 Мутолиа карданд: 1330