номаҳо
То шумори бадбахтон зиёд нагардад
Дар Паёми навбатӣ ба Маҷлиси Олӣ Сарвари давлат Эмомалӣ Раҳмон дар мавриди оқибати ногувори никоҳи хешовандӣ суханони пуртаъсиру ибратбахш гуфтанд. Дидам, ки падару модарам ашк рехтанд. Охир онҳо маро маҷбур карданд, ки бо духтари холаам оила барпо намоям. Ҳарчанд оқибати бади ин тасмими онҳоро он замон гуфтам, нафъ набахшид. Изҳор доштанд, ки агар хилофи раъйашон бибароям, дар дунё аз ман норизо мемонанд. Бо умедҳои зиёд тӯйи домодӣ баргузор гардид. Арӯс бо хурсандӣ вориди хонаи мо шуд. Аммо ҳафт сол боз мо ҳама якҷоя ғам мехӯрем. Дар хонадони мо ду фарзанди фалаҷ ба дунё омад. Ҳама парасторони онҳоем. Мо на танҳо худро, балки ин кӯдаконро низ барои умре бадбахт намудем.
Фикр мекунам, ки ин масъала масъалаи ҷиддӣ мебошад ва аз ин рӯ, назорат барои баррасӣ ва иҷро низ ҷиддӣ мешавад. Он, албатта, имкон фароҳам меорад, то шумори бадбахтон зиёд нагардад.
Ҷ. АСРОРОВ, шаҳри Хуҷанд
Баёни ақида (0) Санаи нашр: 18.02.2015 №: 35 Мутолиа карданд: 1312