номаҳо
«Истед! Шиддат»
Фикр мекунам, ки ин навиштаро ҳеҷ кас намефаҳмад. Шиддати чӣ аст, чаро ва кӣ бояд биистад? Оре, ин навишта нофаҳмо аст. Аммо агар бо он дар мавзеаш рӯ ба рӯ бишавед, бо тамасхур менигаред. Ин навишта дар мавриди шиддати баланди неруи барқ аст. Онро аз забони русӣ дар шакли таҳтуллафз тарҷума намудаанд, аз ин рӯ мақсудро рӯшан сохта наметавонанд. Охир хонанда аз рӯи амри навишта бояд биистад. Вале чаро бояд биистад? Барои он ки ин ҷо «шиддат» аст.
Мутаассифона, дар пойтахт ва дигар шаҳру ноҳияҳои кишвар ба чунин тарҷумаҳои нодурусту хандаовар бисёр дучор меоем. Онҳо, албатта, ба сатҳи забондонии насли наврас таъсири бад мегузоранд.
Хуб мешуд, ки дар мавриди тарҷумаи вожаву ибораҳо ба забони тоҷикӣ масъулон беаҳамиятӣ накунанд, саҳми худро дар рафъи камбудиҳои мавҷуда бигузоранд.
Н. ЛАТИФОВ, шаҳри Душанбе
Баёни ақида (0) Санаи нашр: 18.02.2015 №: 35 Мутолиа карданд: 1259
