номаҳо
Мақомоти иҷроия бепарвост ё?
Роҳи марказии ноҳияи Рӯдакӣ якҷониба ё худ яктарафа мебошад. Яъне кас ба воситаи нақлиёт бо ин роҳ вориди марказ шуда метавонад, аммо ҳуқуқи баромаданро надорад. Албатта, мо ба ин зид нестем, ҳарчанд ки ба ҳангоми баромад мушкилиҳои зиёд эҳсос мегардад. Гап дар сари он аст, ки чанд роҳи мавҷудаи васлкунандаи роҳи марказӣ бениҳоят дар ҳоли хароб қарор доранд. Дарозии ин роҳҳо дусад метрро ҳам ташкил намедиҳанд, то бипиндорем, ки мақомоти иҷроияи маҳаллии ҳокимияти давлатии ноҳия аз уҳдаи ташкили таъмиру тармими онҳо баромада наметавонад. Ба ҷуз ин роҳ ҷавобгӯи талабот нест. Бигузор онҳоро асфалтпӯш накунанд. Ақаллан ҳамвор намоянд, кофист. Агар аз уҳдаи ин кори начандон душвор баромада наметавонанд, роҳи марказиро дуҷониба намоянд. Мушкил нест, ки дар ҷойҳои зарурӣ аломатҳои ишоравиро бигузоранд, то дар ин роҳ ронандагон нақлиёташонро нагузоранду монеаҳо эҷод накунанд.
С. КАРОМАТОВА, ноҳияи Рӯдакӣ
Баёни ақида (0) Санаи нашр: 18.02.2015 №: 35 Мутолиа карданд: 1282