номаҳо
Шояд дасти мадад дароз бинамоянд?
Ман маъюби гурӯҳи дуюмам. Ҳамсарам Раҳбар Яъқубова низ нафақа мегирад. Соҳиби ҳафт фарзандем. Насимҷон, фарзанди мо, дар солҳои вазнини ҷанги шаҳрвандӣ барои барқарор кардани Ҳукумати қонунӣ хидмат кардаву унвони подполковникиро мушарраф шудааст. Фарзанди дигарам низ дар ин солҳо чун аскари қаторӣ хидмат менамуд. Умуман, саҳми мову фарзандонамон барои пешрафту ободонии Ватан зиёд аст.
Муроҷиат кардем, ки бароямон қитъаи замине ҷудо намоянд, то хона бисозем. Посух доданд, ки барои тақсими замин иҷозатнома надорем.
Оре, аз байн чандин сол гузаштааст. Ва мо пайваста бо муроҷиатамон ин ҷавобро мешунавем. Аммо дар пеши чашмамон заминҳо тақсим ва хонаҳо сохта мешаванд.
Бо навиштани нома, ки умед дорам, чоп мешавад, шояд масъулон дар мақомоти болотар арзу хоҳиши моро бишунаванд ва дасти мадад дароз бинамоянд.
Қосим ШАРИФОВ, деҳаи Сӯфӣ Орифи Ҷамоати деҳоти «Коммунизм»-и ноҳияи Истаравшан
Баёни ақида (0) Санаи нашр: №: Мутолиа карданд: 7222
