номаҳо
ЧӢ МЕХОНӢ? ПОРИНА?
Ҳамасола Наврӯзи байналмилалӣ бо шукӯҳи хоса таҷлил мегардад. Ба он мардум ва масъулон бо муҳаббату дилгармӣ омодагӣ мегиранд. Шабакаҳои телевизионӣ ва радиоӣ аз тантанаҳои наврӯзӣ дар шаҳру ноҳияҳои мамлакат намоишҳои ҷолибро пешкаши тамошобинону шунавандагон мегардонанд. Мутаассифона, дар ин тантанаҳо ҳама он сурудҳои куҳна шунавонида мешаванд. Чаро мумкин нест, ки овозхонон барои ҷашни Наврӯз як суруди навро омода созанд? Охир як соли тамом фурсат доранд. Магар аз рӯи одоб аст, ки дар чунин як ҷашн ба ҳаводорон сурудҳои куҳнаву обшуставу дилбазанро бирасонанд? Аз ин амал чунин бармеояд, ки овозхонҳои мо кам эҷод мекунанд ва дар ин маврид масъулон бепарвоӣ зоҳир менамоянд. Бисёр мехостам, ки талаботро пурзӯр созанд ва дар ҷашнҳои ояндаи Наврӯз сурудҳои куҳнаро ба барномаҳои консертӣ ворид накунанд. Шояд ин амал масъулияти овозхононро бештар намояд.
Баҳром АЙНИДДИНОВ,
шаҳри Қӯрғонтеппа
Баёни ақида (0) Санаи нашр: 8.05.2015 №: 95-96 Мутолиа карданд: 1253