номаҳо
МО НИЗ ТАРАФДОРЕМ
Посух ба номаи «Чаро бар зарари худ кор мекунем?»-и М.Расулов (гӯшаи «Розу ниёз», «Ҷумҳурият», 06.01.2015)
Мутобиқ ба фармоиши вазири маориф ва илми Ҷумҳурии Тоҷикистон дар тамоми таълимгоҳҳо намунаи либосҳои толибилмон ва донишҷӯён дар чанд намуд бо назардошти сифат, шинамӣ ва арзон буданаш пешниҳод шудааст, ки ба он истифодаи галстук ҳам ворид гардидааст. Дар пешниҳоди либосҳои муайяншуда Қонунҳои Ҷумҳурии Тоҷикистон «Дар бораи маориф», «Масъулияти падару модар дар таълиму тарбияи фарзанд», «Дар бораи танзими анъана ва ҷашну маросимҳо дар Ҷумҳурии Тоҷикистон» ба инобат гирифта шудаанд.
Бастани галстук, ки дар он рамзҳои давлатӣ инъикос ёфтааст, ба хонандагон масъулиятнокиро парвариш дода, дар вуҷуди онҳо меҳрро нисбат ба Ватан ва рамзҳои давлатӣ бедор ва меафзояд, инчунин донишҷӯ ва толибилмро нисбат ба аъзои кадом созмони талабагӣ ва донишҷӯ буданаш муайян мекунад.
Мо низ тарафдори онем, ки истеҳсоли пурраи галстук дар дохили кишвар ба роҳ монда шавад ва ин ба манфиат хоҳад буд.
Раёсати таҳсилоти олии
касбӣ ва баъдидипломии
Вазорати маориф ва илм
Баёни ақида (0) Санаи нашр: 11.07.2015 №: 141 Мутолиа карданд: 1303
