қарорҳои ҳукумат
Қарори Ҳукумати Ҷумҳурии Тоҷикистон аз 1 августи соли 2008, № 366, ш. Душанбе Дар бораи сарфароз гардонидан бо Ҷоизаҳои давлатии Ҷумҳурии Тоҷикистон ба номи Абӯабдулло Рӯдакӣ дар соҳаи адабиёт, санъат ва меъморӣ дар соли 2008
Дар бораи сарфароз гардонидан бо Ҷоизаҳои давлатии
Ҷумҳурии Тоҷикистон ба номи Абӯабдулло Рӯдакӣ
дар соҳаи адабиёт, санъат ва меъморӣ дар соли 2008
Ҳукумати Ҷумҳурии Тоҷикистон дар асоси пешниҳоди Кумитаи Ҷоизаҳои давлатии Ҷумҳурии Тоҷикистон ба номи Абӯабдулло Рӯдакӣ дар соҳаи адабиёт, санъат ва меъмории назди Ҳукумати Ҷумҳурии Тоҷикистон қарор мекунад:
Ҷоизаҳои давлатии Ҷумҳурии Тоҷикистон ба номи Абӯабдулло Рӯдакӣ дар соҳаи адабиёт, санъат ва меъморӣ дар соли 2008 ба шахсони зерин дода шаванд:
Дар соҳаи адабиёт:
Фарзона (Хоҷаева Иноят Юнусовна) –Шоираи халқии Тоҷикистон, барои маҷмӯаи шеърҳои «Мӯҳри гули мино»;
Муҳаммад Ғойиб –Шоири халқии Тоҷикистон, барои маҷмӯаи шеърҳои «Каъбаи дил».
Дар соҳаи санъати мусиқӣ ва ҳунарнамоӣ:
Гулчеҳра Содиқова –Ҳунарпешаи шоистаи Тоҷикистон, сароянда, барои силсилаи сурудҳои «Меҳри Ватан –Модар».
Дар соҳаи санъати тасвирӣ:
Раҳмат Ботуралиев –Арбоби ҳунари Тоҷикистон, рассом, барои силсилаи сангнигораҳои девории «Искандарномаи Хуҷанд».
Дар соҳаи эҷодиёти бадеӣ барои наврасон:
Бароти Абдураҳмон – нависанда, барои романи таърихии «Куруши Кабир».
Ҷоизаи байналмилалӣ дар соҳаи адабиёти тоҷик:
Саид Нафисӣ (1896-1966) –адиб ва олими эронӣ, барои пажӯҳишҳои бунёдӣ дар рӯдакишиносии ҷаҳон.
Раиси Ҳукумати Ҷумҳурии Тоҷикистон
Эмомалӣ Раҳмон
Аз идораи рӯзнома: «Ҷумҳурият» аз номи аҳли эҷод ва хонандагони сершумораш дарёфти Ҷоизаи ба номи Абӯабдуллоҳи Рӯдакиро ба барандагони тозанафасаш муборакбод намуда, ин саҳифаи рӯзномаро ба онҳо мебахшад.
Баёни ақида (0) Санаи нашр: №: Мутолиа карданд: 11252
