сафарҳо
ЭМОМАЛӢ РАҲМОН ДАР ИСЛОМОБОД
Шоми 11-уми ноябр Президенти Ҷумҳурии Тоҷикистон Эмомалӣ Раҳмон бо сафари давлатӣ вориди шаҳри Исломобод – пойтахти Ҷумҳурии Исломии Покистон шуд.
Дар фурудгоҳи байналмилалии шаҳри Исломобод Сарвари давлати Тоҷикистон Эмомалӣ Раҳмонро Сарвазири Ҷумҳурии Исломии Покистон Муҳаммад Навоз Шариф ва дигар шахсони расмӣ бо самимияти олӣ истиқбол гирифтанд.
Барои пазироии меҳмони олимақом фурудгоҳ бо парчамҳои ҳар ду давлат ва шиору овезаҳо оро ёфта, горди фахрӣ саф ороста буд. Ба ин муносибат дар фурудгоҳи Исломобод, ҳамчунин аз тӯп 21 шиллик парронда шуд, ки танҳо хоси сафарҳои давлатии меҳмонони олимақом аст.
Мулоқоту музокироти сатҳи олии миёни Тоҷикистону Покистон 12-уми ноябр оғоз ёфтанд.
Гузориши муфассал аз ҷараёни ин сафар дар шумораи оянда нашр хоҳад шуд.
Баёни ақида (0) Санаи нашр: 13.11.2015 №: 226 Мутолиа карданд: 12965
