мулоқотҳо
МУЛОҚОТҲОИ САРВАРИ ДАВЛАТ ДАР ҲОШИЯИ КОНФРОНС
Шоми 29 ноябри соли 2015 дар шаҳри Парижи Ҷумҳурии Франсия Президенти Ҷумҳурии Тоҷикистон Эмомалӣ Раҳмон ноиби раиси ширкати «Аэробус» (Airbus) Силвер Дэлонэро ба ҳузур пазируфт.
Дар мулоқот оид ба имкони рушди ҳамкориҳои судманд дар соҳаи нақлиёт табодули андеша шуд.
Ширкати фаронсавии «Аэробус» тайёраҳо ва чархболҳои гуногуни мусофирбар, боркаш ва ҳарбӣ истеҳсол менамояд.
Ҳамчунин дар ин шом дар шаҳри Парижи Ҷумҳурии Франсия дар ҳошияи Конфронси 21 - уми Созмони Милали Муттаҳид оид ба тағйирёбии иқлим Президенти Ҷумҳурии Тоҷикистон Эмомалӣ Раҳмон бо ноиби аввали Президенти ширкати «Тотал» Майкл Боррел мулоқот кард, ки дар ҷараёни он масоили кунунӣ ва дурнамои ҳамкории Тоҷикистон бо ширкат баррасӣ шуданд.
Президенти Ҷумҳурии Точикистон оид ба имкони фарохи ҳамкорӣ бо соҳибкорону сармоягузорон ва ширкатҳои хориҷӣ дар самти ба роҳ мондани корҳои геологию ҷустуҷӯӣ ва истихроҷу коркарди нафту газ ва содироти захираҳои он ибрози андеша кард.
Ҷонибҳо бо дарназардошти имкониятҳои мазкур таъкид намуданд, ки ҳамаи ин тадбирҳо боиси натиҷаҳои мушаххас дар рушди бахши нафту гази Тоҷикистон хоҳад шуд.
Инчунин, оид ба имкониятҳои дигари сармоягузорӣ ба бахшҳои гуногуни иқтисоди Тоҷикистон ва татбиқи лоиҳаҳои ояндадори Тоҷикистон, аз ҷумла дар бахшҳои саноат, истихроҷ ва коркарди маъданҳои кӯҳӣ, истеҳсол ва коркарду содироти маҳсулот таваҷҷуҳи хоса зоҳир гардид.
www.president.tj
Баёни ақида (0) Санаи нашр: 01.12.15 №: 239 Мутолиа карданд: 3606
