маориф
БА 9 ДОНИШҶӮ 1 КОМПЮТЕР
Муҳаммадюсуф Имомзода, ректори Донишгоҳи миллии Тоҷикистон, зимни нишасти матбуотӣ иброз дошт, ки барои таъмини раванди таълим бо техника ва технологияи информатсионӣ ва иҷрои корҳои илмию таҳқиқотӣ дар факултетҳо ва сохторҳои донишгоҳ 2527 компютер, 543 принтерҳои бисёрфунксионалӣ ва ғайра мавриди истифода қарор гирифтаанд. Ба 9 нафар донишҷӯ 1 копютер рост меояд.
Соли гузашта донишгоҳро 158 нафар бо дипломи аъло ва 102 нафар бо квотаи Президенти Ҷумҳурии Тоҷикистон хатм намуданд. Феълан дар ҷумҳурӣ 23 Шӯрои диссертатсионӣ амал менамояд, ки аз инҳо 9 шӯро дар Донишгоҳи миллӣ фаъолият дорад. Дар шӯроҳои диссертатсионии донишгоҳ 126 рисолаи номзадӣ ва 16 рисолаи докторӣ дифоъ шуданд, ки аз ин шумора 53 рисолаи номзадӣ ва 9 рисолаи докторӣ ба Донишгоҳи миллӣ тааллуқ дорад.
Иронбӣ МӮСОЗОДА
Баёни ақида (0) Санаи нашр: 13.01.2016 №: 8 Мутолиа карданд: 1403
