қарорҳои ҳукумат
ҚАРОРИ Ҳукумати Ҷумҳурии Тоҷикистон
аз 30 декабри соли 2015, № 765, ш. Душанбе
Дар бораи Маркази ягонаи коммуникатсионии алоқаи барқӣ
Мутобиқи моддаи 21 Қонуни Ҷумҳурии Тоҷикистон «Дар бораи санадҳои меъёрии ҳуқуқӣ», моддаи 6 Қонуни Ҷумҳурии Тоҷикистон «Дар бораи алоқаи барқӣ» ва бо мақсади таъмини назорат ва танзими трафикҳои воридотию содиротии хизматрасониҳои байналмилалии алоқаи барқӣ ва интернет, Ҳукумати Ҷумҳурии Тоҷикистон қарор мекунад:
1. Гузариши трафикҳои воридотию содиротии хизматрасониҳои байналмилалии алоқаи барқӣ ва интернет тавассути Маркази ягонаи коммуникатсионии алоқаи барқии оператори давлатии Ҷамъияти саҳомии кушодаи «Тоҷиктелеком»-и Хадамоти алоқаи назди Ҳукумати Ҷумҳурии Тоҷикистон ба роҳ монда шавад.
2. Хадамоти алоқаи назди Ҳукумати Ҷумҳурии Тоҷикистон иҷрои қарори мазкурро марҳила ба марҳила дар соли 2016 таъмин намояд.
3. Муқаррар карда шавад, ки иҷрои қарори мазкур барои ҳамаи субъектҳои хоҷагидории дар соҳаи алоқаи барқӣ фаъолияткунандаи Ҷумҳурии Тоҷикистон ҳатмӣ мебошад.
Раиси Ҳукумати
Ҷумҳурии Тоҷикистон Эмомалӣ РАҲМОН
Баёни ақида (0) Санаи нашр: 14.01.2016 №: 9 Мутолиа карданд: 11984
