мулоқотҳо
Сегонаи Иттиҳоди Аврупо дар ҳузури Президент
30 майи соли 2009 Президенти Ҷумҳурии Тоҷикистон Эмомалӣ Раҳмон иштирокдорони ҷаласаи навбатии Гуфтугӯйи сиёсии минтақавӣ миёни Сегонаи Иттиҳоди Аврупо ва кишварҳои Осиёи Марказиро, ки дар сатҳи вазирони корҳои хориҷӣ дар шаҳри Душанбе баргузор мегардад, ба ҳузур пазируфт.
Хотиррасон бояд намуд, ки барои иштирок дар ҷаласаи навбатии Гуфтугӯйи сиёсии минтақавӣ миёни Сегонаи Иттиҳоди Аврупо ва кишварҳои Осиёи Марказӣ ба шаҳри Душанбе муовини сарвазир, вазири корҳои хориҷии Ҷумҳурии Чехия Ян Когоут - ба ҳайси раиси кунунии Иттиҳоди Аврупо ва ҳамчунин Намояндаи махсуси Иттиҳоди Аврупо дар Осиёи Марказӣ Пйер Морел, муовини директори генералии Комиссияи Аврупо оид ба робитаҳои хориҷӣ Юг Мингареллӣ ва вазири корҳои хориҷии Шветсия Карл Билдт ташриф овардаанд.
Кишварҳои Осиёи Марказиро дар ин ҳамоиш вазири корҳои хориҷии Қазоқистон Марат Тажин, вазири корҳои хориҷии Қирғизистон Кадирбек Сарбаев, муовини сарвазир, вазири корҳои хориҷии Туркманистон Рашид Мередов ва муовини вазири корҳои хориҷии Ӯзбекистон Бахтиёр Исломов намояндагӣ мекунанд.
Сардори давлати Тоҷикистон Эмомалӣ Раҳмон андешаҳои худро оид ба вазъи кунунӣ ва дурнамои ҳамкории кишварҳои Осиёи Марказӣ бо Иттиҳоди Аврупо баён намуда, аз ҷумла омодагии устувори Тоҷикистонро баҳри гуфтугӯйи ошкоро ва густариши муносибатҳои гуногунҷанба дар роҳи мусоидат ба таҳкими амнияту субот ва рушди ҳамкории судманди минтақавӣ таъкид намуд.
Баёни ақида (0) Санаи нашр: №: Мутолиа карданд: 2061