logo

муҳоҷират

МУҲОҶИРАТ АГАР АЗ ҶИҲАТИ СТРАТЕГӢ АСОСНОК БОШАД...

Чанде пеш бо ибтикори Вазорати молия, Донишкадаи молия ва иқтисод, Пажӯҳишгоҳи  илмӣ -  тадқиқотии «Молия»  ва дастгирии Фонди ба номи Фридрих Эбберт (Олмон) дар шаҳри Душанбе семинари илмӣ – амалии «Таҳқиқоти ҷанбаҳои гендерии муҳоҷирати меҳнатӣ»  баргузор гардид.

Дар он  доираи васеи олимону мутахассисони ватаниву хориҷӣ  ширкат варзида, тамоюлҳои нави муҳоҷирати меҳнатӣ, таҳқиқоти инноватсионии ҷараёни муҳоҷират, муҳоҷирати меҳнатӣ дар мизони гендериро баррасӣ намуданд.
М. Кошонова, директори Пажӯҳишгоҳи илмӣ – тадқиқотии «Молия», гуфт, ки чанд сол боз мушкилоти таҳқиқоти ҷанбаҳои  гендерии  муҳоҷирати меҳнатӣ  зери таваҷҷуҳи махсуси  олимон қарор дорад. Дар ин самт чи дар Тоҷикистон ва чи дар Русия таҳқиқоти зиёд гузаронда шудаанд.
Тӯли даҳсолаҳо занҳо дар раванди муҳоҷирати дохилӣ ва берунӣ эътибор надоштанд ё онҳо танҳо оилаи худро ҳамроҳӣ мекарданд. Бо рушди  иқтисодиёти ҷаҳонӣ талабот ба меҳнати занон зиёд гашт ва шурӯъ аз солҳои 2000 – ум муҳоҷирати мустақилонаи занон ба Русия ва давлатҳои Ғарб рӯ ба афзоиш ниҳод. Яъне афзоиши  муҳоҷират як раванди табиӣ буда, хоси танҳо кишварҳои алоҳида нест. Бояд аз ин раванд босамар истифода бурд ва барои коҳиши таъсири манфии он талош варзид.
Ҷавоҳир Акобирова, сардори шуъбаи рушди гендерӣ ва муносибатҳои байналмилалии Кумитаи кор бо занон ва оила, иброз дошт, ки алҳол як қатор санадҳои меъёрӣ – ҳуқуқии танзимсозандаи раванди муҳоҷирати меҳнатӣ амал менамоянд, ки ҳуқуқу манфиатҳои шаҳрвандони мамлакатро дар хориҷи кишвар ҳимоя мекунанд.  Дар баробари ин, бо мақсади мукаммалгардонии асосҳои қонунгузории танзимкунандаи раванди муҳоҷират бо иштироки коршиносони байналмилалӣ ва намояндагони вазорату идораҳои дахлдор лоиҳаҳои Қонуни Ҷумҳурии Тоҷикистон «Дар бораи муҳоҷират» ва Стратегияи миллии муҳоҷирати меҳнатии шаҳрвандони Ҷумҳурии Тоҷикистон ба хориҷи кишвар барои солҳои 2016 – 2020 таҳия шуда, дар баррасии Ҳукумат ва мувофиқасозии вазорату идораҳо қарор доранд.
А. Солеҳзода, ректори Донишкадаи молия ва иқтисоди ҷумҳурӣ иброз дошт, ки муҳоҷирати меҳнатӣ 3 маротиба  сатҳи  бекориро  паст карда, 15 дарсад  сатҳи шуғлнокии аҳолии қобили меҳнатро  афзун гардонд. Ва ниҳоят, муҳоҷирати корӣ ба ташаккули хизматрасониҳои бахши сохтмон, нақлиёт, бонк, тиҷорат, инчунин болоравии касбияти муҳоҷирон, азбарнамоии забон, фарҳанг, таърихи дигар халқҳо мусоидат намуд.  Бояд қайд кард, ки муҳоҷирати меҳнатӣ омили муҳими ҳифзи суботи сиёсӣ арзёбӣ мешавад, зеро он имкон медиҳад, ки мушкилоти камбизоатӣ ва табақабандии иҷтимоӣ дар мамлакат рафъ шавад.
Вале, дар баробари ин, муҳоҷирати меҳнатӣ ба иқтисодиёт ва иҷтимоиёти кишвар  оқибатҳои манфӣ ҳам овард, ки бархе аз онҳо хусусияти гендерӣ дорад. Бинобар ин,  танҳо муҳоҷирати меҳнатии аз ҷиҳати  стратегӣ  асоснок гардондашуда, метавонад манбаи неруманди рушд гардад.
 Ш. ҚУРБОН, «Ҷумҳурият»


Баёни ақида (0)    Санаи нашр: 18.06.2016    №: 117-118    Мутолиа карданд: 29436
31.01.2023


ДАВЛАТАЛӢ САИД ДАР ШАҲРИ КӮЛОБ

АЗ НИШАСТҲОИ МАТБУОТӢ

ВАО: “Теъдоди қурбониёни ҳамлаи террористи маргталаб дар Пешовар ба 72 нафар расид”

Ҷаҳон дар як сатр

ТАҶЛИЛИ БОШУКӮҲИ САДА ДАР ХАТЛОН

НАМОЯНДАИ ШИРКАТИ CNPC ДАР ХАТЛОН

ХАТЛОН. БАРДОШТИ ИХТИСОСӢ АЗ ҶАЛАСАИ НАЗОРАТӢ

СОЗМОНИ ҲАМКОРИИ ИҚТИСОДӢ. ТОҶИКИСТОН ДАР ТАҲКИМИ ФАЪОЛИЯТИ СОЗМОН НАҚШИ МУАССИР ДОРАД

27.01.2023


БМТ. ПАЁМ САРМАШҚИ ФАЪОЛИЯТ ХОҲАД БУД

25.01.2023


Вохӯрии вазирони корҳои хориҷии Тоҷикистон ва Ӯзбекистон

ТАЪСИСИ АВВАЛИН МАРКАЗИ ҒИЗОИ МАКТАБӢ

МУЛОҚОТ БО САФИРИ ҚАЗОҚИСТОН

23.01.2023


Ҷаҳон дар як сатр

14 май дар Туркия интихоботи президентӣ баргузор мешавад

«САЪБА»

17.01.2023


САМАРАНОКИИ ФАЪОЛИЯТ ВА ШАФФОФИЯТ

Мулоқоти Имангали Тасмагамбетов бо Сергей Поспелов

Игор Черевченко – сармураббии “Истиқлол”

16.01.2023


БОЗИҲОИ ОЛИМПӢ-2024

13.01.2023


ШАМЪИ ХОТИРА

11.01.2023


Муроҷиатномаи Раиси шаҳри Душанбе ба сокинони пойтахт

Санаи муҳорибаи аввалини Нурулло дар UFC аниқ шуд

ХОРУҒ. ҶАЛАСАИ ҶАМЪБАСТИ ФАЪОЛИЯТИ СОЛОНА

10.01.2023


БА АЗНАВБАҚАЙДГИРИИ СИМКОРТҲО МУҲЛАТИ КАМ МОНД

ҲИСОР. ДАР АРАФАИ СОЛИ НАВ 217 СОКИНИ ШАҲР СОҲИБИ ЗАМИН ШУД

ДБССТ. ҲАМКОРИҲОИ БАЙНАЛМИЛАЛӢ ВУ-СЪАТИ ТОЗА МЕГИРАНД

Пешниҳоди Александр Лукашенко

Ҷаҳон дар як сатр

ҶИУ-ҶИТСУ

Таҳкими ҳамкориҳои Тоҷикистон ва Ӯзбекистон

ТЕННИС

БОХТАР. ҒОЛИБОНИ ОЗМУНҲО ҚАДР ШУДАНД

ФАЙЗОБОД. ШАРҲУ ТАВЗЕҲИ ПАЁМ

09.01.2023


ХОРУҒ. БО ДАСТУРИ РУСТАМИ ЭМОМАЛӢ ДАР МАҲАЛЛАИ ТИРЧИД КӮДАКИСТОН СОХТА МЕШАВАД

03.01.2023


«ВЗЛЁТ ПЕРЕД ЗАКАТОМ»


Дар сомонаҳои дигари Тоҷикистон хонед