маориф
«МУАССИСАҲОИ ТОМАКТАБИИ ХУСУСӢ. ЧАРО МИҚДОРИ ОНҲО КАМ АСТ?»
Вазорати маориф ва илми Ҷумҳурии Тоҷикистон иттилоъ медиҳад, ки дар мақолаи «Муассисаҳои томактабии хусусӣ. Чаро миқдори онҳо кам аст?», ки дар рӯзномаи «Ҷумҳурият» 14 апрели соли 2016 чоп шудааст, баррасии масъалаи рушди муассисаҳои томактабии хусусӣ дуруст ва саривақтӣ мебошад. Танҳо бояд ба чанд нукта равшанӣ андохт.
Айни ҳол дар ҷумҳурӣ 30 муассисаи томактабӣ фаъолият менамояд. Дар муқоиса ба соли гузашта шумораи кӯдакистонҳои хусусӣ дар ҷумҳурӣ 7 адад зиёд шуда, шумораи умумии тарбиягирандагон дар онҳо 1438 нафарро ташкил медиҳад.
Ҳамчунин, бояд қайд намуд, ки арзиши таҳсил дар муассисаҳои мазкур аз шароити муҳайёкардаи онҳо вобаста буда, бо мақоми ваколатдор мувофиқа карда мешавад.
Вазорати маориф ва илм бо мақсади бештар фаро гирифтани кӯдакон ба таҳсилоти томактабӣ шаклҳои алтернативии муассисаҳои томактабиро низ рушд медиҳад. Аз ҷумла, дар ҷумҳурӣ бо суръати баланд маркази инкишофи кӯдакон ташкил шуда истодааст. Агар соли 2013 дар ҷумҳурӣ ҳамагӣ беш аз 300 чунин марказ амал мекарда, алҳол шумораи онҳо ба 1500 адад расидааст.
Раёсати таҳсилоти
томактабӣ ва миёнаи умумии
Вазорати маориф ва илми ҷумҳурӣ
Баёни ақида (0) Санаи нашр: 22.06.2016 №: 121 Мутолиа карданд: 4041
